Búgin Nur-Sultan qalasy mańynda kiikter sanaǵyn júrgizetin ushqyshsyz qozǵalatyn qondyrǵy synaqtan ótti, dep habarlaidy "Ult aqparat" «Kaspii Qubyr konsoriýmyna» silteme jasap.
QR Ekologiia, geologiia jáne tabiǵi resýrstar ministri Maǵzum Myrzaǵalievtiń esebinshe, búginde Qazaqstan aýmaǵynda qalǵan kiikter sany 334 myńnyń shamasynda.
«Sońǵy kezde brakonerlermen belsendi kúres júrgizilip keletinin bilesizder. Kiik basy sanyn saqtap qalý - kún tártibinde turǵan ózekti másele. Taiaýda «Kaspii Qubyr Konsortsiýmy» kiikterge taǵatyn spýtnikti 30 qarǵybaý tartý etti. Mundai qarǵybaýdyń kómegimen kiikter qozǵalatyn jol baǵytyn bilip otyrýǵa bolady. Sońǵy kezde orman qoryna da shabýyl jasalyp keledi. Sondyqtan, jańa tehnologiialardyń kómegimen qorshaǵan ortany qorǵaý sharalaryn kúsheitý kerek», - deidi Maǵzum Myrzaǵaliev.
«Kaspii Qubyr Konsortsiýmy» bas direktorynyń orynbasary Qaiyrgeldi Qabyldin aldaǵy ýaqytta biznes pen memlekettiń seriktestigi aiasynda ekologiialyq baǵdarlamalaryn áli de jalǵasatynyn jetkizdi.
«Qazaqstanda 30-40 jyl buryn kiik sany 2 millionnan asatyn. Búginde olardyń sany kúrt tómendep ketti. Al keibir kórshi memleketterde dala janýary múldem joiylyp ketti. Sondyqtan, biz osy janýarlar qoryn aman alyp qalý úshin shamamyz kelgenshe kómek kórsetemiz», - deidi Qaiyrgeldi Qabyldin.
Onyń paiymynsha, janýarlar qoryn saqtap qalýǵa ǵalymdar men ekolog mamandar, biznes sýbekteri de atsalysýy qajet.
Aita keteiik, búgin synalǵan drondar shet memleketterde, ásirese, kórshiles Reseide keńinen qoldanylyp keledi. Qanatynyń uzyndyǵy 3 metrden asatyn qondyrǵynyń salmaǵy - 12 keli. Apparat aspanda 4,5 saǵatqa jyq ýaqyt qalyqtaidy. Shamamen 100 shaqyrym alqaptaǵy kórinisti foto-videoǵa túsire alady.
