بٷگٸن نۇر-سۇلتان قالاسى ماڭىندا كيٸكتەر ساناعىن جٷرگٸزەتٸن ۇشقىشسىز قوزعالاتىن قوندىرعى سىناقتان ٶتتٸ, دەپ حابارلايدى "ۇلت اقپارات" «كاسپيي قۇبىر كونسوريۋمىنا» سٸلتەمە جاساپ.
قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆتٸڭ ەسەبٸنشە, بٷگٸندە قازاقستان اۋماعىندا قالعان كيٸكتەر سانى 334 مىڭنىڭ شاماسىندا.
«سوڭعى كەزدە براكونەرلەرمەن بەلسەندٸ كٷرەس جٷرگٸزٸلٸپ كەلەتٸنٸن بٸلەسٸزدەر. كيٸك باسى سانىن ساقتاپ قالۋ - كٷن تەرتٸبٸندە تۇرعان ٶزەكتٸ مەسەلە. تاياۋدا «كاسپيي قۇبىر كونسورتسيۋمى» كيٸكتەرگە تاعاتىن سپۋتنيكتٸ 30 قارعىباۋ تارتۋ ەتتٸ. مۇنداي قارعىباۋدىڭ كٶمەگٸمەن كيٸكتەر قوزعالاتىن جول باعىتىن بٸلٸپ وتىرۋعا بولادى. سوڭعى كەزدە ورمان قورىنا دا شابۋىل جاسالىپ كەلەدٸ. سوندىقتان, جاڭا تەحنولوگييالاردىڭ كٶمەگٸمەن قورشاعان ورتانى قورعاۋ شارالارىن كٷشەيتۋ كەرەك», - دەيدٸ ماعزۇم مىرزاعاليەۆ.
«كاسپيي قۇبىر كونسورتسيۋمى» باس ديرەكتورىنىڭ ورىنباسارى قايىرگەلدٸ قابىلدين الداعى ۋاقىتتا بيزنەس پەن مەملەكەتتٸڭ سەرٸكتەستٸگٸ اياسىندا ەكولوگييالىق باعدارلامالارىن ەلٸ دە جالعاساتىنىن جەتكٸزدٸ.
«قازاقستاندا 30-40 جىل بۇرىن كيٸك سانى 2 ميلليوننان اساتىن. بٷگٸندە ولاردىڭ سانى كٷرت تٶمەندەپ كەتتٸ. ال كەيبٸر كٶرشٸ مەملەكەتتەردە دالا جانۋارى مٷلدەم جويىلىپ كەتتٸ. سوندىقتان, بٸز وسى جانۋارلار قورىن امان الىپ قالۋ ٷشٸن شامامىز كەلگەنشە كٶمەك كٶرسەتەمٸز», - دەيدٸ قايىرگەلدٸ قابىلدين.
ونىڭ پايىمىنشا, جانۋارلار قورىن ساقتاپ قالۋعا عالىمدار مەن ەكولوگ ماماندار, بيزنەس سۋبەكتەرٸ دە اتسالىسۋى قاجەت.
ايتا كەتەيٸك, بٷگٸن سىنالعان دروندار شەت مەملەكەتتەردە, ەسٸرەسە, كٶرشٸلەس رەسەيدە كەڭٸنەن قولدانىلىپ كەلەدٸ. قاناتىنىڭ ۇزىندىعى 3 مەتردەن اساتىن قوندىرعىنىڭ سالماعى - 12 كەلٸ. اپپارات اسپاندا 4,5 ساعاتقا جىق ۋاقىت قالىقتايدى. شامامەن 100 شاقىرىم القاپتاعى كٶرٸنٸستٸ فوتو-ۆيدەوعا تٷسٸرە الادى.
