Qazaqstanda kiikterdiń sanyn anyqtaý úshin tikushaqpen áýeden sanaý bastaldy, dep habarlaidy "Ult aqparat" Qazaqstan bioalýantúrlilikti saqtaý qaýymdastyǵyna silteme jasap.
«14 sáýirde QBSQ qyzmetkerleri ushý aldyndaǵy daiyndyqty ótkizdi: esepteýshilerge arnalǵan trening júrgizildi, markerlerdi ornatý jáne esep jolaǵynyń eni belgilendi, esep marshrýttary (galstar) josparlandy. Búgin, 15 sáýirde Batys Qazaqstan jáne Qaraǵandy oblystarynda alǵashqy ushý bastaldy», - dep jazdy qaýymdastyq Facebook paraqshasynda.
Uiymnyń habarlaýynsha, esep júrgizý úshin eki top jumys isteidi: bireýi — Betpaqdala popýliatsiiasynda, ekinshisi — Oral jáne Ústirt popýliatsiialarynda. Esep kezinde 200-ge jýyq ushý saǵaty josparlanǵan.
«Áýe esebi jyl saiyn kiiktiń barlyq úsh popýliatsiiasynda ótkiziledi. 2020 jyly karantin shekteýlerine bailanysty áýe esebi toqtatyldy. Bul jumysty QR EGTRM orman sharýashylyǵy jáne janýarlar dúniesi komitetiniń «Ohotzooprom» ÓB uiymdastyrady. QBSA qyzmetkerleri memlekettik inspektorlarmen birlesip esepke alýǵa tikelei qatysady jáne sannyń qorytyndy esebin qamtityn jumystyń ǵylymi komponentin qamtamasyz etedi», - deidi Qazaqstan bioalýantúrlilikti saqtaý qaýymdastyǵy.
