QR Tsifrlyq damý, innovatsiialar jáne aeroǵarysh ónerkásibi ministrligi Aqparattyq qaýipsizdik komitetiniń tóraǵasy Rýslan Ábdiqalyqov 6 jeltoqsanda elimizde kiberjattyǵýdyń nelikten ótkizilgenin túsindirdi, dep habarlaidy QazAqparat.
«Ótkizilgen kiberjattyǵýdyń maqsaty - memlekettik organdardyń, aqparattyq qaýipsizdikti qamtamasyz etý jónindegi bólimshelerdiń, barynsha mańyzdy nysandardyń aqparattyq qaýipsizdigi jedel ortalyǵynyń týyndaǵan syn-qaterlerge qarsy turýǵa daiyndyǵyn tekserý», - dedi ol Ortalyq kommýnikatsiialar qyzmetindegi baspasóz máslihatynda.
Sonymen qatar ol atalǵan jattyǵýdyń tetikterin túsindirip berdi.
«Dini ekstremistik piǵyldaǵy shartty zań buzýshy elektrondy úkimettiń aqparattandyrý nysandaryna, aqparattyq-kommýnikatsiialyq infraqurylymdardyń syni mańyzdy nysandaryna jappai DDOS-shabýyl jasap, memlekettik internet-resrýstardy buzýǵa tyrysady. Áleýmettik jelilerde senimsiz aqparattar taratylyp, phishing jasaýǵa, ziiandy baǵdarlamalyq qamtamasyz etý taratýǵa umtylady. Sońǵy shara kiberjattyǵý josparyna sáikes, birshama erterek bastaldy jáne kóptegen memlekettik qyzmetshiler qazirdiń ózinde ózderiniń jumys oryndaryndaǵy testik ziiandy baǵdarlamalyq qamtamasyz etýdiń fishingtiń jiberilimderge tap boldy. Bul nátijeler jaiynda sál keiinirek, jattyǵý aiaqtalǵannan keiin jan-jaqty jariia etetin bolamyz. Degenmen, aldyn ala málimetterge qaraǵanda, memlekettik qyzmetshilerdiń shamamen 30 paiyzy aqparattyq qaýipsizdik saiasatyn buzyp, ziiandy baǵdarlamalyq qamtamasyz etý bar fishingtik resýrstardy ashqan», - dedi Rýslan Ádiqalyqov.
