Búgin QR Tuńǵysh Prezidenti Nursultan Nazarbaevtyń bastamasymen jáne Memleket basshysy Qasym-Jomart Toqaevtyń tapsyrmasymen qurylǵan Halyqaralyq týrizm jáne meimandostyq ýniversiteti saltanatty jaǵdaida ashyldy, dep habarlaidy "Ult aqparat".
Ortalyq Aziianyń ejelgi tarihi qalalarynyń biri - úlken týristik áleýetke ie Túrkistanda ornalasqan ýniversitettiń online-formattaǵy ashylý saltanatynda Mádeniet jáne sport ministri A.Raiymqulova, Túrkistan oblysynyń ákimi Ó.Shókeev, Ózbekstan Premer-ministriniń orynbasary - «Jibek joly» Halyqaralyq týrizm ýniversitetiniń rektory A.Abdýhakimov, BUU Jahandyq kommýnikatsiialar departamentiniń ókili V.Samek jáne ýniversitet rektory M.Mýrzamadieva quttyqtaý sóz sóiledi.
Shaqyrylǵan spikerler ýniversitettiń damýyna, halyqaralyq yntymaqtastyq salasynda qoldaý kórsetýge ýáde berdi.
«Jańa ýniversitet Qazaqstan Respýblikasynda týristik qyzmetti damytýdyń memlekettik baǵdarlamasy aiasynda quryldy. Týrizm jáne qonaqjailylyq salasyndaǵy mamandardy daiarlaý úshin Qazaqstandaǵy halyqaralyq deńgeidegi alǵashqy mamandandyrylǵan ýniversitetti ashýdyń mańyzdylyǵyn atap ótken jón. Onyń túlekteri halyqaralyq standarttyń qos diplomyn - qazaqstandyq jáne sheteldik seriktes ýniversitetten alýǵa múmkindik alady», - delingen Mádeniet jáne sport ministrligi aqparatynda.
Vedomstvo málimetinshe, birlesken bilim berý baǵdarlamalary týristik biznestiń naqty qajettilikterin eskere otyryp ázirlenedi jáne «3 + 1» shemasy boiynsha eń jaqsy halyqaralyq tájiribege negizdelgen. Oqytýshylar quramyna qazaqstandyq jáne sheteldik professorlar pýly, týrizm jáne servis salasyndaǵy jetekshi kompaniialardyń top-menedjerleri kiredi.
Atap aitqanda, ýniversitette Halyqtar dostyǵy ýniversitetiniń (Resei), Jibek joly ýniversitetiniń (Ózbekstan), sondai-aq Túrkiia, Grýziia, Shveitsariia ýniversitetteriniń professorlaryn tartý týraly kelisimsharttary bar. Munyń bári ýniversitet stýdentterine joǵary deńgeidegi teoriialyq bilim alýǵa jáne sheteldik tájiribeden ótýge, sonyń ishinde BUU Dúniejúzilik týrizm uiymynda (UNWTO) qoldaý kórsetýge múmkindik beredi.
