Byltyr ishki naryqta paidalaný úshin Qazaqstanǵa A4 formatyndaǵy keńse qaǵazynyń 20,4 mln qaptamasy, iaǵni 51 myń tonnasy jetkizilgen, dep habarlaidy Qazaqparat.
Indýstriia jáne infraqurylymdyq damý ministrliginiń resmi derekkózinde munyń 61 %-y Resei Federatsiiasynan jetkizilgeni jazylǵan. Al 30 %-y – Túrkiiadan, 8 %-y QHR-dan importtalǵan.
«Qazaqstan naryǵyna A4 formatyndaǵy qaǵaz ónimderiniń basym bóligi «Snegýrochka» jáne SvetoCopy brendterimen usynylǵan. Ótken jyly A4 qaptamasynyń ortasha kóterme baǵasy 1,5 myń teńgeni qurady. Biylǵy naýryzǵa qarai baǵalar orta eseppen 1 myń teńgege nemese 67 %-ǵa ósti. Qazir iri jetkizýshiler keńse qaǵazynyń 1 qaptamasyn 3 myń teńge kóterme baǵamen saýdalaidy», - delingen vedomstvonyń habarlamasynda.
Baǵanyń ózgerýi Batys Eýropadan qaǵaz shikizatyn aǵartýǵa arnalǵan reagentterdi jetkizýdegi irkilisterge bailanysty eken. Sonymen qatar RF-da keńse qaǵazyn óndirý kóleminiń qysqarýyna orai oryn alyp otyr.
Aita keterligi, Qazaqstanda keńsege arnalǵan qaǵazdy kesý jáne oraý boiynsha eki zaýyt jumys isteidi. 2021 jyly kásiporyndar 600 myń A4 qaǵaz býmasyn óndirgen, bul ishki naryqtaǵy barlyq tutyný kóleminiń 5 %-yn ǵana quraidy.
«Qagaz Ordasy» JShS jylyna 3 mln býma, al «Goida.kz» 3,6 mln A4 keńse qaǵazyn shyǵaratyn óndiristik qýatqa ie. Kesýge jáne býyp-túiýge arnalǵan qaǵaz oramdary túrindegi shikizattyń negizgi bóligi Resei men Finliandiiada óndiriledi. Alaida, reseilik zaýyttar bul kompaniialarǵa qaǵaz oramdaryn tikelei satpai, olardy Qazaqstandaǵy óz ókilderi arqyly saýdalaidy. Sáikesinshe, bul saýda-sattyqty shektep otyr», - dep túsindirilgen aqparat kózinde.
