Foto:elements.envato.com
Indýstriia jáne infraqurylymdyq damý ministri Qaiyrbek Óskenbaev keńse qaǵazy qymbattaýyna qatysty pikir bildirip, Qazaqstanda tapshylyq bolmaitynyn aitty, - dep habarlaidy Tengrinews.kz.
"Qazaqstanda tapshylyq bolmaidy dep oilaimyn. (...) Qazir qaǵaz ákelip jatyrmyz, basty jetkizýshi el - Resei. Oǵan 61 paiyz tiesili, sodan keiin Túrkiia men Qytai. Qajet bolsa, bizdiń biznes-qurylymdarymyz tez baǵdarlanady dep oilaimyn. Kedergiler týyndasa, qaǵazdy jetkizý úshin balama baǵyttar jetkilikti. Qaǵaz kesetin óndiris bar, iaǵni orama qaǵaz shyǵady, mundai eki zaýyt bar. Shikizatty osy elderden ákelemiz", - dedi ministr Úkimet otyrysynan keiin jýrnalisterdiń suraqtaryna jaýap berip.
Osy oraida jýrnalister dúkenderde qaǵaz baǵasy ósip jatqanyn atap ótti.
"Baǵany qadaǵalaityn arnaiy organdar bar, solar tekseredi. Baǵa ózgeredi, nege ekenin bilmeimin. Tapsyrmam boiynsha keshe ǵana kirdik (keńse taýarlary dúkenderine. - eskert.). Bireýler 3 myń teńgeden satsa, basqa dúkender 5-6 myń teńgeden satady. Tiisti organdar qaita tekseretin shyǵar", - dedi ministr.
