Foto: Stan.kz
Eńbek jáne halyqty áleýmettik qorǵaý ministri Svetlana Jaqypova Qazaqstandaǵy kedeilik sheginiń mólsherin anyqtaý týraly buiryqqa qol qoidy, dep habarlaidy Ult.kz Stan.kz-ke silteme jasap.
2024 jyly 20 jeltoqsannan bastap "Kedeilik sheginiń mólsherin anyqtaý týraly" 2023 jylǵy 19 mamyrdaǵy burynǵy qujatqa ózgerister engizildi.
“2025 jylǵy 1 qańtardan bastap kedeilik shegi memlekettik ataýly áleýmettik kómek taǵaiyndaýǵa júgingen toqsanynyń aldyndaǵy toqsanǵa eseptelgen ortasha tabystyń 35% mólsherinde, biraq kórsetilgen toqsanǵa eseptelgen Óńirlik eń tómengi kúnkóris deńgeiiniń 70%-dan tómen emes mólsherde aiqyndaldy”, – delingen qujatta.
Jańashyldyqtar 2025 jyldyń 6 qańtarynan bastap kúshine enedi.
Bul ózgerister azamattardyń qajettilikterin naqtylaýǵa jáne aimaqtyq erekshelikterdi eskerýge baǵyttalǵan. Eńbek jáne halyqty áleýmettik qorǵaý ministrligi vedomstvolarǵa buiryqtyń Ádilet ministrliginde tirkelýin, sondai-aq resmi aqparat kózderinde jariialanýyn jáne departamenttiń internet-resýrstarynda ornalastyrylýyn qamtamasyz etýdi mindetteidi.
