Qazaqstanda tabysy kúnkóris minimýmnan tómen otbasylar úlesi 2021 jyldyń birinshi toqsanynda 4 paiyzdan 4,5 paiyzǵa artty, - dep habarlaidy Tengrinews.kz agenttigi Finprom.kz saityna silteme jasap.
Qalalyq jerlerde kórsetkish 2,4 paiyzdan 3,2-ge kóterilse, aýyldyq jerlerde ózgeris joq. Degenmen kórsetkish joǵary - 6,3 paiyz.
Óńirler bólinisinde tabysy kúnkóris minimýmynan tómen úi sharýashylyqtar úlesi Túrkistan oblysynda tirkelgen - 9,1 paiyz. Budan keiin Soltústik Qazaqstan (6 paiyz) jáne Mańǵystaý (5,8 paiyz) oblystary tur. Eldegi tómen kórsetkish Nur-Sultan qalasyna tiesili. Munda tómengi kirisi bar otbasylar úlesi 1,6 paiyzǵa teń.
Sonymen qatar, Qaraǵandy (2 paiyz) jáne Atyraý (2,8 paiyz) oblystarynda bul kórsetkish tómen. Ózge aimaqtarda kirisi tómen turǵyndar sany artqan. Almaty (2,4 paiyz), Shymkent (1,1 paiyz), Pavlodar (1 paiyzǵa) jáne Soltústik Qazaqstan (1 paiyz) oblystarynda kórsetkish artqan.
Otbasylardyń shyǵyny turǵyndardy detsildi toptarǵa bólý kezinde úlken aiyrmashylyqty kórsetedi.
Mysaly, biyl birinshi toqsanda az qamtylǵan turǵyndardyń 10 paiyzy men qamtý deńgeii joǵary turǵyndardyń 10 paiyzynyń shyǵyn mólsherinde 5,8 eselek aiyrmashylyq bolǵan: orta eseppen bir adamǵa eseptegende 26,8 myń jáne 156 myń teńge.
Sonymen qatar, tutyný shyǵynynyń aiyrmashylyǵy 5,4 esege teń: adam basyna eseptegende 25,8 myń jáne 139,5 myń teńge. Azyq-túlik shyǵyny - 4,3 ese, aqyly qyzmet - 5,6 ese, kiim, mata jáne aiaq-kiim shyǵynynda 5,1 ese aiyrmashylyq bar.
