قازاقستاندا تابىسى كٷنكٶرٸس مينيمۋمنان تٶمەن وتباسىلار ٷلەسٸ 2021 جىلدىڭ بٸرٸنشٸ توقسانىندا 4 پايىزدان 4,5 پايىزعا ارتتى, - دەپ حابارلايدى Tengrinews.kz اگەنتتٸگٸ Finprom.kz سايتىنا سٸلتەمە جاساپ.
قالالىق جەرلەردە كٶرسەتكٸش 2,4 پايىزدان 3,2-گە كٶتەرٸلسە, اۋىلدىق جەرلەردە ٶزگەرٸس جوق. دەگەنمەن كٶرسەتكٸش جوعارى - 6,3 پايىز.
ٶڭٸرلەر بٶلٸنٸسٸندە تابىسى كٷنكٶرٸس مينيمۋمىنان تٶمەن ٷي شارۋاشىلىقتار ٷلەسٸ تٷركٸستان وبلىسىندا تٸركەلگەن - 9,1 پايىز. بۇدان كەيٸن سولتٷستٸك قازاقستان (6 پايىز) جەنە ماڭعىستاۋ (5,8 پايىز) وبلىستارى تۇر. ەلدەگٸ تٶمەن كٶرسەتكٸش نۇر-سۇلتان قالاسىنا تيەسٸلٸ. مۇندا تٶمەنگٸ كٸرٸسٸ بار وتباسىلار ٷلەسٸ 1,6 پايىزعا تەڭ.
سونىمەن قاتار, قاراعاندى (2 پايىز) جەنە اتىراۋ (2,8 پايىز) وبلىستارىندا بۇل كٶرسەتكٸش تٶمەن. ٶزگە ايماقتاردا كٸرٸسٸ تٶمەن تۇرعىندار سانى ارتقان. الماتى (2,4 پايىز), شىمكەنت (1,1 پايىز), پاۆلودار (1 پايىزعا) جەنە سولتٷستٸك قازاقستان (1 پايىز) وبلىستارىندا كٶرسەتكٸش ارتقان.
وتباسىلاردىڭ شىعىنى تۇرعىنداردى دەتسيلدٸ توپتارعا بٶلۋ كەزٸندە ٷلكەن ايىرماشىلىقتى كٶرسەتەدٸ.
مىسالى, بيىل بٸرٸنشٸ توقساندا از قامتىلعان تۇرعىنداردىڭ 10 پايىزى مەن قامتۋ دەڭگەيٸ جوعارى تۇرعىنداردىڭ 10 پايىزىنىڭ شىعىن مٶلشەرٸندە 5,8 ەسەلەك ايىرماشىلىق بولعان: ورتا ەسەپپەن بٸر ادامعا ەسەپتەگەندە 26,8 مىڭ جەنە 156 مىڭ تەڭگە.
سونىمەن قاتار, تۇتىنۋ شىعىنىنىڭ ايىرماشىلىعى 5,4 ەسەگە تەڭ: ادام باسىنا ەسەپتەگەندە 25,8 مىڭ جەنە 139,5 مىڭ تەڭگە. ازىق-تٷلٸك شىعىنى - 4,3 ەسە, اقىلى قىزمەت - 5,6 ەسە, كيٸم, ماتا جەنە اياق-كيٸم شىعىنىندا 5,1 ەسە ايىرماشىلىق بار.
