.png)
Foto: Pixabay.com
Biyldan bastap qazaqstandyq dárigerler qaýipti aýrýdy anyqtaǵan ár jaǵdai úshin syiaqy alady. Bul týraly "Ult aqparat" 31-arnanyń "Informbiýro" baǵdarlamasyna silteme jasap habarlaidy.
Patsientten qaterli isik pen týberkýlez aýrýynyń belgilerin tapsa, 5 AEK nemese 18 460 teńge ústemeaqy alady. Tólem ár toqsan saiyn jalaqymen birge beriledi. Atalmysh joba jergilikti ýchaskelik aq halattylardyń jumysyn arttyrý maqsatynda qolǵa alynyp otyr.
18 460 teńge qaterli isik pen týberkýlez aýrýlaryn erte anyqtaǵan ýchaskelik dárigerlerge tólenedi. Tólem baldyq jáne bonýstyq júiede júzege asyrylady. Olar ár aýrý belgisin anyqtaǵan jaǵdaida 5 AEK bonýs alady. Anyqtalǵan aýrýlar sany júz upaiǵa jetse, árqaisysyna 16 000 teńgeden eseptelinedi. Qarajat toqsan saiyn jalaqymen birge beriledi.
"Syiaqy tek aimaqtyq, meditsinalyq sanitariialyq alǵashqy kómek qyzmetkerlerine, sonyń ishinde aimaqtardaǵy dáriger, akýsherlerge beriledi", – dedi densaýlyq saqtaý ministrligi meditsinalyq kómekti uiymdastyrý departamentiniń basqarma basshysy Ásel Qydyrálieva.
Sondai aq bonýs ulttyq qajettilikterge arnalǵan dinamikalyq klinikalyq platformada avtomatty túrde esepteledi.
"Syiaqy berý baldyq jáne bonýstyq júiede júredi. Ana óliminiń bolmaýy, júkti áielderdiń on eki aptaǵa deiin tirkelýi, bala ólimi degen siiaqty segiz indikatordy oryndamaǵyny úshin aqsha alynsa, qazir sol aqshanyń somasy toqsan saiyn beriledi", – dedi Ásel Qydyrálieva.
Elimizde jylyna 40 myńǵa jýyq adam qaterli isikke shaldyqsa, 200-den astam adam týberkýlezben aýyrady. Dárigerler munyń sebebin halyqtyń ýaqytyly meditsinalyq kómekke júginbeitinimen bailanystyrady.
