QR DSM sanitarlyq-epidemiologiialyq baqylaý komitetiniń tóraǵasy Aijan Esmaǵambetova «Qazaqstanda karantin qaitalanýy múmkin be?» degen suraqqa jaýap berdi, dep habarlaidy "Ult aqparat".
«Karantin infektsiianyń taralýyn azaitý úshin jáne eń bastysy – densaýlyq saqtaý júiesindegi shamadan tys júktemege jol bermeý úshin engiziledi», - dedi Esmaǵambetova Ortalyq kommýnikatsiialar qyzmetinde ótken baspasóz máslihatynda.
Sonymen birge, spiker qandai jaǵdaida qaitadan lokdaýn bolýy múmkin ekenin habarlady.
«Eger aýrýhanalardaǵy tósek-oryndardyń 70%-dan assa, bul densaýlyq saqtaý júiesine joǵary júkteme artylǵanyn kórsetedi. Mundai jaǵdailarda karantin engiziledi. Ol karantinniń qashan enetinin eshkim naqty atai almaidy. Munyń bári ózimizdiń qanshalyqty vaktsina alatynymyzǵa bailanysty», - deidi A. Esmaǵambetova.
Aita keteiik, 27 qańtardaǵy jaǵdaiǵa sáikes, Qazaqstan Respýblikasynda 181 117 adamda KVI+ jáne 47 575 adamda KVI- anyqtaldy. KVI+ boiynsha 163 156 adam jáne KVI- 35 348 adam jazylyp shyqqan. Juqpaly aýrýlar aýrýhanasyndaǵy tósek-orynnyń 31% (6 492 oryn) tolǵan, al jansaqtaý bóliminiń 20%-ynda 374 adam hal ústinde jatyr.
