Sýret ashyq derekkózden alyndy
Qazaqstanda Kaspii teńiziniń ǵylymi-zertteý institýty qurylady. Sý resýrstary jáne irrigatsiia ministrligi tiisti qaýlynyń jobasyn ázirledi, dep habarlaidy "Ult aqparat" vedomstvonyń baspasóz qyzmetine silteme jasap.
"Institýt Kaspii teńiziniń ekologiialyq jáne sý deńgeiiniń tómendeý máselelerin, itbalyqtar men balyqtardyń jappai qyrylý sebepterin, Kaspii itbalyqtarynyń popýliatsiiasyn saqtaý, ihtiofaýnany, akvatoriiasy men teńiz jaǵalaýyn zertteitin bolady. Sondai-aq Kaspii boiynsha shekaralas memleketterdegi áriptestermen ózara tyǵyz is-qimyldy qamtamasyz etý baǵytynda da jumys júrgizedi.
Institýt Kaspii teńizi ekojúiesiniń barlyq baǵyty boiynsha obektivti jáne táýelsiz aqparat jinaqtaidy. Bul derekter memlekettik jáne jergilikti atqarýshy organdardyń keshendi is-sharalar qabyldaýy úshin negiz bolady" - delingen habarlamada.
Vedomstvo málimetinshe, ǵylymi uiym qurý Kaspiidi saqtaý jónindegi halyqaralyq jáne ulttyq mindettemelerdi tolyq kólemde oryndaýǵa múmkindik beredi.
«Memleket basshysy keshendi is-sharalar qabyldaý úshin Mańǵystaý oblysynda Kaspiidi zertteýmen ainalysatyn memlekettik ǵylymi institýt qurýdy tapsyrdy. Institýt qurý - máseleni jan-jaqty zerdeleýge, aýqymdy mindetterdi sheshýge múmkindik beredi», - deidi QR Sý resýrstary jáne irrigatsiia ministri Nurjan Nurjigitov.
