Qazaqstanda kásipqoi fýtzal ligasy quryldy. Mundai sheshim QR fýtbol federatsiiasynyń qabyrǵasynda ótken otyrysta qabyldandy, dep habarlaidy QazAqparat.
Federatsiianyń baspasóz qyzmetinen málim etkendei, keńes barysynda elimizde fýtzaldy damytý máselesi talqylandy.
Liga qurý týraly sheshimdi fýtzaldan OLIMPBET-Qazaqstan chempionatynyń barlyq klýby biraýyzdan qoldady.
Liga prezidenti bolyp Qazaqstan fýtbol federatsiiasy fýtzal departamentiniń basshysy Asqar Ábildaev sailandy.
Uiymnyń negizgi qyzmeti fýtzaldan ishki jarystardy uiymdastyrý bolmaq. Olar: OLIMPBET - QR chempionaty, OLIMPBET - QR kýbogy, OLIMPBET - QR sýperkýbogy, sonymen qatar barlyq jas erekshelikteri boiynsha el birinshilikteri (U-13, U-15, U-17).
Sondai-aq keńestiń kún tártibinde fýtzaldan Qazaqstan Birinshi ligasyn qurý jáne jańa maýsymnan bastap fýtzal komandalaryn litsenziialaýdy engizý máseleleri qamtyldy.
