Qazaqstanda Qarýly kúshter azyq-túlik sebetiniń qunyn arttyrý máselesi qarastyrylyp jatyr. Bul týraly QR Qorǵanys ministriniń orynbasary, general-maior Baqyt Qurmanbaev aitty, dep habarlaidy QazAqparat tilshisi.
«Bizde tamaqtandyrýdy uiymdastyrýmen aýtsorsing ainalysady. Biz munymen ainalysatyn kásibi kompaniiadan qyzmet satyp alamyz.Sonyń arqasynda armiia ózine tán emes qyzmetterden bosatylyp otyr. Búginde armiia ashanaǵa kezekshilikke barmaidy, ydys-aiaq jýyp, qazan tazalamaidy. Burynǵydai kúz kezinde kókónis suryptap, kókónis pen jemis-jidek jinamaidy», - dedi ol.
Onyń túsindirýinshe, armiiany tamaqtandyrýmen sharýashylyq úi-jaiy, qosalqy sharýashylyǵy, daiyndaýshy qyzmeti bar jeke kompaniia ainalysady.
«Atalǵan kompaniiaǵa mynadai kriteriiler qoiylady: tehnikalyq múmkinshiligi, kadrlyq áleýeti, tamaqty qaýipsizdik daiyndaýdy, taratýdy jáne saqtaýdy qamtamasyz etetin bilikti qyzmetkerleriniń bolýy. Buǵan qosa, qyzmetkerlerinde tiisti sertifikattary bolýy qajet», - dedi Qorǵanys ministriniń orynbasary.
Sonymen qatar ol búginúi kúni Qarýly kúshterdiń azyq-túlik sebeti qunyn arttyrý máselesi qarastyrylyp jatqanyn aitty.
«Sebebi ózderińiz de sońǵy jyldary azyq-túlik sebetiniń óskenin bilesizder», - dedi Baqyt Qurmanbaev.
Spikerdiń dereginshe, qazirgi ýaqytta sarbazdardy tamaqtandyrýǵa jyl saiyn 10 mlrd teńgeden astam qarjy jumsalady.
