2050 jylǵa qarai 65 jastan asqan adamdardyń sany 2019 jylmen salystyrǵanda eki ese artyp, 3,4 million adamǵa jetedi. Bul týraly BUU qorynyń baiandamasynda jazylǵan, - dep habarlaidy Tengrinews.kz.
Zertteý Eńbek jáne halyqty áleýmettik qorǵaý ministrliginiń tapsyrysy boiynsha BUU-nyń turǵyn halyq salasyndaǵy qorynyń (UNFPA) tehnikalyq qoldaýymen júrgizilgen.
"Zertteý qorytyndysy, sonyń ishinde COVID-19 pandemiiasynda, Qazaqstan halyqtyń demografiialyq qartaiýynyń erte satysynda ekenin kórsetti. 2050 jylǵa qarai 65 jastan asqan adamdar sany 2019 jylmen salystyrǵanda eki ese artady - 1,4-ten 3,4 millionǵa deiin, al olardyń eldegi jalpy halyq sanyndaǵy úlesi 2019 jylǵy 7,5 paiyzdan 2050 jyly 14 paiyzǵa deiin artady", - dep habarlady IýNFPA ókilderi.
Belsendi uzaq ómir súrý indeksiniń jiyntyq máni boiynsha Qazaqstan 30 eldiń ishinde toǵyzynshy orynda tur. Indeks boiynsha kórshi elder - Frantsiia men Estoniia. Al Resei osy reitingide 28-ishi orynda.
"Qolaily orta men belsendi uzaq ómir súrý úshin múmkindikter parametrlerindegi osyndai joǵary pozitsiia eń aldymen Qazaqstannyń qart azamattarynyń óte joǵary bilim deńgeii esebinen qamtamasyz etiledi; osy kórsetkish boiynsha respýblika Eýropa elderin basyp ozady", - delingen IýNFPA baiandamasynda.
Sondai-aq, osy máseledegi Qazaqstannyń kemshil tustary ataldy.
"Árbir besinshi egde jastaǵy qazaqstandyqtyń qarjylyq jaǵdaiy qiyn. Meditsinalyq qyzmetter qol jetimdi bolýy kerek dep sanaityn respondentterdiń úlesi 2008 jylǵy 35 paiyzdan 2020 jyly 48 paiyzǵa deiin ósti. 2008 jyly qarttardyń 45 paiyzy qoǵamda qarttarǵa qatysty zorlyq-zombylyq bar dep málimdese, 2020 jyly bul kórsetkish 61-ge kóbeidi", - delingen zertteý nátijelerinde.
