Halyqaralyq tabiǵatty qorǵaý odaǵy Qazaqstandaǵy qaraquiryqty saqtap qalý boiynsha Qazaqstannyń bioalýandylyǵyn saqtaý qaýymdastyǵynyń usynysyna qoldaý bildirdi, dep habarlaidy "Ult aqparat".
Bul jańalyqty Facebook paraqshasynda QR Ekologiia, geologiia jáne tabiǵi resýrstar ministrliginiń orman sharýashylyǵy komitetiniń baspasóz hatshysy Sáken Dildahmet bólisti.
Onyń habarlaýynsha, keiingi on jylda qazaq dalasynda qaraquiryqtyń sany 90 paiyzǵa azaiyp ketken. Mundaǵy basty sebep – brakonerlik pen qaraquiryqtar úshin turǵylyqty mekenniń tarylyp ketýi.
Joba aiasynda dalalyq zertteý jumystaryn júrgizip, spýtniktik taratqysh arqyly qaraquiryqtardy tańbalap, jergilikti halyqpen jumys júrgizý kózdelgen. Sonymen qatar Qazaqstan men Túrikmenstan shekarasyndaǵy qorshaýlardyń qaraquiryqtardyń tirshiligine qalai áser etetinin anyqtaý kózdelgen. Zertteý jumystary 2021 jylǵa deiin sozylady.
«Joba Ortalyq Aziia aimaǵy boiynsha 2019 jyly IUCN Save Our Species baǵdarlamasyn júzege asyrýdyń arqasynda iske asyrylǵaly otyr. Jabaiy ańdardyń kóshe tirshilik etetin túrlerin saqtaý boiynsha konventsiia Bonn konventsiiasy (CMS) retinde tanymal», - deidi Sáken Dildahmet.
Aita keterligi qaraquiryq – qaraquiryq tuqymynyń ashatuiaqty túri. Qazaqstannyń ońtústik óńirlerinde meken etedi. Qazaqstannyń Qyzyl kitabyna engizilgen. Halyqaralyq qyzyl tizimde «Qaýip tóngen» mártebesine ie. 2015 jylǵy málimet boiynsha kezinde 200 myń bolǵan qaraquiryqtyń bul kúnde 13-15 myńy ǵana qalǵan.
