حالىقارالىق تابيعاتتى قورعاۋ وداعى قازاقستانداعى قاراقۇيرىقتى ساقتاپ قالۋ بويىنشا قازاقستاننىڭ بيوالۋاندىلىعىن ساقتاۋ قاۋىمداستىعىنىڭ ۇسىنىسىنا قولداۋ بٸلدٸردٸ, دەپ حابارلايدى "ۇلت اقپارات".
بۇل جاڭالىقتى Facebook پاراقشاسىندا قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ ورمان شارۋاشىلىعى كوميتەتٸنٸڭ باسپاسٶز حاتشىسى سەكەن دٸلداحمەت بٶلٸستٸ.
ونىڭ حابارلاۋىنشا, كەيٸنگٸ ون جىلدا قازاق دالاسىندا قاراقۇيرىقتىڭ سانى 90 پايىزعا ازايىپ كەتكەن. مۇنداعى باستى سەبەپ – براكونەرلٸك پەن قاراقۇيرىقتار ٷشٸن تۇرعىلىقتى مەكەننٸڭ تارىلىپ كەتۋٸ.
جوبا اياسىندا دالالىق زەرتتەۋ جۇمىستارىن جٷرگٸزٸپ, سپۋتنيكتٸك تاراتقىش ارقىلى قاراقۇيرىقتاردى تاڭبالاپ, جەرگٸلٸكتٸ حالىقپەن جۇمىس جٷرگٸزۋ كٶزدەلگەن. سونىمەن قاتار قازاقستان مەن تٷرٸكمەنستان شەكاراسىنداعى قورشاۋلاردىڭ قاراقۇيرىقتاردىڭ تٸرشٸلٸگٸنە قالاي ەسەر ەتەتٸنٸن انىقتاۋ كٶزدەلگەن. زەرتتەۋ جۇمىستارى 2021 جىلعا دەيٸن سوزىلادى.
«جوبا ورتالىق ازييا ايماعى بويىنشا 2019 جىلى IUCN Save Our Species باعدارلاماسىن جٷزەگە اسىرۋدىڭ ارقاسىندا ٸسكە اسىرىلعالى وتىر. جابايى اڭداردىڭ كٶشە تٸرشٸلٸك ەتەتٸن تٷرلەرٸن ساقتاۋ بويىنشا كونۆەنتسييا بونن كونۆەنتسيياسى (CMS) رەتٸندە تانىمال», - دەيدٸ سەكەن دٸلداحمەت.
ايتا كەتەرلٸگٸ قاراقۇيرىق – قاراقۇيرىق تۇقىمىنىڭ اشاتۇياقتى تٷرٸ. قازاقستاننىڭ وڭتٷستٸك ٶڭٸرلەرٸندە مەكەن ەتەدٸ. قازاقستاننىڭ قىزىل كٸتابىنا ەنگٸزٸلگەن. حالىقارالىق قىزىل تٸزٸمدە «قاۋٸپ تٶنگەن» مەرتەبەسٸنە يە. 2015 جىلعى مەلٸمەت بويىنشا كەزٸندە 200 مىڭ بولعان قاراقۇيرىقتىڭ بۇل كٷندە 13-15 مىڭى عانا قالعان.
