Foto: Ashyq derekkóz
"Qazgidromet" sinoptikteri 18, 19 jáne 20 qarashaǵa arnalǵan aýa raiy boljamyn usyndy, - dep habarlaidy Ult.kz.
Boljamǵa sáikes, aldaǵy kúnderi Qazaqstannyń basym bóliginde aýa raiy turaqsyz bolady.
"Atlant tsiklony respýblika aýmaǵy arqyly ótip, jańbyr men qar túrindegi jaýyn-shashyn ákeledi, soltústik óńirlerde boran soǵyp, kóktaiǵaq baiqalady. Tek ońtústik-batysta, sondai-aq 19–20 qarashada shyǵys óńirlerde antitsiklon áserinen jaýyn-shashynsyz aýa raiy kútiledi", — dep habarlady sinoptikter.
El boiynsha jeldiń kúsheiýi jáne tuman kútiledi. Meteorologtar málimetinshe, aýa temperatýrasy aitarlyqtai ózgermeidi.
"Tek shyǵys óńirlerde túngi ýaqytta aýa temperatýrasy –6…–23 gradýs aiazǵa deiin tómendeidi, al kúndiz termometr baǵany +2…+10 gradýs jylyny kórsetedi", - dep tolyqtyrdy "Qazgidromet".
