Qazaqstanda 1,6 mln shaǵyn jáne orta biznes sýbektisi tirkelgen. Bul týraly búgin Úkimet úiindegi baspasóz máslihatynda QR Ulttyq ekonomika vitse-ministri Jasulan Mádiev aitty, dep habarlaidy QazAqparat.
«2019 jyldyń 1 qańtaryndaǵy derekterge sáikes, tirkelgen shaǵyn jáne orta biznes sýbektileriniń sany 1,6 mln birlikti, al shaǵyn jáne orta bizneste jumyspen qamtylǵandardyń sany 2019 jyldyń 1 shildesinde shamamen 3,3 mln adamdy qurady», - dedi ol.
Vitse-ministrdiń aitýynsha, shaǵyn jáne orta biznes kásipkerlik saladaǵy ahýaldyń jaqsarýyna kásipkerlik qyzmet jónindegi zańnamaǵa júrgizilgen júieli reformalar septigin tigizip otyr. Bul jumystar 2014 jyly 2020 jylǵa deiin kásipkerlikti qyzmetti memlekettik retteý tujyrymdamasyn qabyldaý arqyly júzege asyryla bastaǵan edi. Munan bólek, 2015 jyly «Doing Business» reitingi aiasynda biznesti damytý úshin qolaily jaǵdai jasaýǵa baǵyttalǵan zańnamalyq bastamalardyń 7 toptamasy qabyldandy.
«Kásipkerlik qyzmetti memlekettik retteý tujyrymdamasyna sáikes, biznesti retteýdi jetildirý, onyń ishinde memlekettik baqylaý jáne qadaǵalaý, ruqsat berý júiesi, biznes qyzmetine negizsiz aralasýǵa tyiym salý syndy túbegeili reformalar júzege asyryldy», - dedi Jasulan Mádiev.
