قازاقستاندا 1,6 ملن شاعىن جەنە ورتا بيزنەس سۋبەكتٸسٸ تٸركەلگەن. بۇل تۋرالى بٷگٸن ٷكٸمەت ٷيٸندەگٸ باسپاسٶز مەسليحاتىندا قر ۇلتتىق ەكونوميكا ۆيتسە-مينيسترٸ جاسۇلان مەديەۆ ايتتى, دەپ حابارلايدى قازاقپارات.
«2019 جىلدىڭ 1 قاڭتارىنداعى دەرەكتەرگە سەيكەس, تٸركەلگەن شاعىن جەنە ورتا بيزنەس سۋبەكتٸلەرٸنٸڭ سانى 1,6 ملن بٸرلٸكتٸ, ال شاعىن جەنە ورتا بيزنەستە جۇمىسپەن قامتىلعانداردىڭ سانى 2019 جىلدىڭ 1 شٸلدەسٸندە شامامەن 3,3 ملن ادامدى قۇرادى», - دەدٸ ول.
ۆيتسە-مينيستردٸڭ ايتۋىنشا, شاعىن جەنە ورتا بيزنەس كەسٸپكەرلٸك سالاداعى احۋالدىڭ جاقسارۋىنا كەسٸپكەرلٸك قىزمەت جٶنٸندەگٸ زاڭناماعا جٷرگٸزٸلگەن جٷيەلٸ رەفورمالار سەپتٸگٸن تيگٸزٸپ وتىر. بۇل جۇمىستار 2014 جىلى 2020 جىلعا دەيٸن كەسٸپكەرلٸكتٸ قىزمەتتٸ مەملەكەتتٸك رەتتەۋ تۇجىرىمداماسىن قابىلداۋ ارقىلى جٷزەگە اسىرىلا باستاعان ەدٸ. مۇنان بٶلەك, 2015 جىلى «Doing Business» رەيتينگٸ اياسىندا بيزنەستٸ دامىتۋ ٷشٸن قولايلى جاعداي جاساۋعا باعىتتالعان زاڭنامالىق باستامالاردىڭ 7 توپتاماسى قابىلداندى.
«كەسٸپكەرلٸك قىزمەتتٸ مەملەكەتتٸك رەتتەۋ تۇجىرىمداماسىنا سەيكەس, بيزنەستٸ رەتتەۋدٸ جەتٸلدٸرۋ, ونىڭ ٸشٸندە مەملەكەتتٸك باقىلاۋ جەنە قاداعالاۋ, رۇقسات بەرۋ جٷيەسٸ, بيزنەس قىزمەتٸنە نەگٸزسٸز ارالاسۋعا تىيىم سالۋ سىندى تٷبەگەيلٸ رەفورمالار جٷزەگە اسىرىلدى», - دەدٸ جاسۇلان مەديەۆ.
