2020 jylǵy 1 qazandaǵy jaǵdai boiynsha Qazaqstanda sheteldik jumys kúshin (ShJK) tartýǵa 16 myń 105 ruqsat qoldanysta, dep habarlaidy "Ult aqparat".
«641 ruqsat birinshi sanat boiynsha (basshylar jáne olardyń orynbasarlary), 3 449-y ekinshi sanat boiynsha (qurylymdyq bólimshelerdiń basshylary) berildi. Shetel jumys kúshin tartýǵa berilgen ruqsattardyń negizgi bóligi úshinshi (mamandar) jáne tórtinshi (bilikti jumysshylar) sanattar boiynsha berildi – tiisinshe 7 461 jáne 1 125 adam. Sondai-aq maýsymdyq jumystarǵa – 1 735 adam, korporativtik aýystyrý aiasynda 1 694 adam tartyldy», - delingen QR Eńbek jáne halyqty áleýmettik qorǵaý ministrligi baspasóz qyzmetiniń málimetinde.
Qazirgi ýaqytta Qazaqstanda sheteldik jumys kúshin paidalanatyn 1785 jumys berýshi bar. Olarda 455 816 myńǵa jýyq Qazaqstan azamaty jumys isteidi, bul jalpy jumysshylar sanynyń 96 paiyzyn quraidy.
Eńbek migranttary shyǵatyn negizgi elder: Ýkraina – 3 511 adam, Tailand – 1 723, Túrkiia – 1 669, Ózbekstan – 1 186, Serbiia – 1 065.
Eske sala keteiik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý ministrligi jyl saiyn elimizge sheteldik mamandardy tartýǵa kvota belgileidi. 2020 jylǵa olardy tartýǵa kvota respýblikanyń ekonomikalyq belsendi turǵyndarynyń 0,32% -y mólsherinde (shamamen 29,3 myń adam) belgilendi.
