2020 جىلعى 1 قازانداعى جاعداي بويىنشا قازاقستاندا شەتەلدٸك جۇمىس كٷشٸن (شجك) تارتۋعا 16 مىڭ 105 رۇقسات قولدانىستا, دەپ حابارلايدى "ۇلت اقپارات".
«641 رۇقسات بٸرٸنشٸ سانات بويىنشا (باسشىلار جەنە ولاردىڭ ورىنباسارلارى), 3 449-ى ەكٸنشٸ سانات بويىنشا (قۇرىلىمدىق بٶلٸمشەلەردٸڭ باسشىلارى) بەرٸلدٸ. شەتەل جۇمىس كٷشٸن تارتۋعا بەرٸلگەن رۇقساتتاردىڭ نەگٸزگٸ بٶلٸگٸ ٷشٸنشٸ (ماماندار) جەنە تٶرتٸنشٸ (بٸلٸكتٸ جۇمىسشىلار) ساناتتار بويىنشا بەرٸلدٸ – تيٸسٸنشە 7 461 جەنە 1 125 ادام. سونداي-اق ماۋسىمدىق جۇمىستارعا – 1 735 ادام, كورپوراتيۆتٸك اۋىستىرۋ اياسىندا 1 694 ادام تارتىلدى», - دەلٸنگەن قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ باسپاسٶز قىزمەتٸنٸڭ مەلٸمەتٸندە.
قازٸرگٸ ۋاقىتتا قازاقستاندا شەتەلدٸك جۇمىس كٷشٸن پايدالاناتىن 1785 جۇمىس بەرۋشٸ بار. ولاردا 455 816 مىڭعا جۋىق قازاقستان ازاماتى جۇمىس ٸستەيدٸ, بۇل جالپى جۇمىسشىلار سانىنىڭ 96 پايىزىن قۇرايدى.
ەڭبەك ميگرانتتارى شىعاتىن نەگٸزگٸ ەلدەر: ۋكراينا – 3 511 ادام, تايلاند – 1 723, تٷركييا – 1 669, ٶزبەكستان – 1 186, سەربييا – 1 065.
ەسكە سالا كەتەيٸك, ٸشكٸ ەڭبەك نارىعىن قورعاۋ ماقساتىندا قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ جىل سايىن ەلٸمٸزگە شەتەلدٸك مامانداردى تارتۋعا كۆوتا بەلگٸلەيدٸ. 2020 جىلعا ولاردى تارتۋعا كۆوتا رەسپۋبليكانىڭ ەكونوميكالىق بەلسەندٸ تۇرعىندارىنىڭ 0,32% -ى مٶلشەرٸندە (شامامەن 29,3 مىڭ ادام) بەلگٸلەندٸ.
