Elimizdegi 17,4 myń shashtaraz jáne sulýlyq salony ishinde 16 myńǵa jýyǵy óz qyzmetin áli qalpyna keltirmegen nemese onlain Onlain baqylaý-kassa mashinalaryn (BKM) qoldanbaǵandyǵy anyqtaldy. Bul týraly QM Memlekettik kirister komitetinen málim etti, dep habarlaidy "Ult aqparat".
Aita keteiik, elde engizilgen Tótenshe jaǵdaidan keiin 4 mamyrdan bastap shashtarazdar men barlyq dúkender jumysyn bastaǵan bolatyn .
«Onlain baqylaý-kassa mashinalaryn (BKM) engizýdiń arqasynda, qolma-qol esep aiyrysýlar týraly kelip túsken aqparat negizinde salyqtyq eseptilikti tapsyrmastan buryn, kásipkerlerdiń qyzmetine baryp tekserý júrgizbei-aq, taldaýǵa múmkindik berildi. Komitette chekter berilmegen baqylaý-kassa mashinalarynyń ornalasqan jeri týraly aqparat bar. Osylaisha, taldaý barysynda 17,4 myń shashtaraz jáne sulýlyq salony ishinde 16 myńǵa jýyǵy óz qyzmetin áli qalpyna keltirmegeni nemese onlain BKM qoldanbaǵandyǵy anyqtaldy. Odan bólek, aýysym sońynda bir nemese eki chekti shyǵarý siiaqty faktiler de anyqtaldy. Baqylaý-kassa mashinalaryn paidalanbaý jáne chekter bermeý - bul kásipkerlik kiristi jasyrý arqyly salyq zańnamasyn jáne tutynýshylar quqyǵyn buzý bolyp sanalady», - delingen Memlekettik kirister komiteti baspasóz qyzmetiniń málimetinde.
Jaqyn arada Komitet jyl saiynǵy «Chekti talap et - júlde utyp al!» aktsiiasyn bastaidy. Onda jiberilgen chekteri úshin aktsiiaǵa qatysýshylar uialy telefonynyń teńgerimine birden aqsha alýyna múmkindigi bar. Eger chek berilmese, aktsiiaǵa qatysýshylar mobildi qosymsha arqyly tiisti shaǵymdy jibere alady. Osy oraida shaǵym rastalsa, uialy telefonnyń teńgerimine kepildendirilgen aqshany ala alady.
«Memlekettik kirister komiteti azamattardy taýarlar satyp alýda, jumystar men qyzmet chekterdi talap ete otyryp, azamattyq belsendilik tanytýǵa shaqyrady», - deidi mamandar.
Budan buryn habarlanǵandai, Qazaqstandaǵy shashtarazdar eki kúnniń ishinde 52,3 mln teńge tabys tapqan.
