ەلٸمٸزدەگٸ 17,4 مىڭ شاشتاراز جەنە سۇلۋلىق سالونى ٸشٸندە 16 مىڭعا جۋىعى ٶز قىزمەتٸن ەلٸ قالپىنا كەلتٸرمەگەن نەمەسە ونلاين ونلاين باقىلاۋ-كاسسا ماشينالارىن (بكم) قولدانباعاندىعى انىقتالدى. بۇل تۋرالى قم مەملەكەتتٸك كٸرٸستەر كوميتەتٸنەن مەلٸم ەتتٸ, دەپ حابارلايدى "ۇلت اقپارات".
ايتا كەتەيٸك, ەلدە ەنگٸزٸلگەن تٶتەنشە جاعدايدان كەيٸن 4 مامىردان باستاپ شاشتارازدار مەن بارلىق دٷكەندەر جۇمىسىن باستاعان بولاتىن .
«ونلاين باقىلاۋ-كاسسا ماشينالارىن (بكم) ەنگٸزۋدٸڭ ارقاسىندا, قولما-قول ەسەپ ايىرىسۋلار تۋرالى كەلٸپ تٷسكەن اقپارات نەگٸزٸندە سالىقتىق ەسەپتٸلٸكتٸ تاپسىرماستان بۇرىن, كەسٸپكەرلەردٸڭ قىزمەتٸنە بارىپ تەكسەرۋ جٷرگٸزبەي-اق, تالداۋعا مٷمكٸندٸك بەرٸلدٸ. كوميتەتتە چەكتەر بەرٸلمەگەن باقىلاۋ-كاسسا ماشينالارىنىڭ ورنالاسقان جەرٸ تۋرالى اقپارات بار. وسىلايشا, تالداۋ بارىسىندا 17,4 مىڭ شاشتاراز جەنە سۇلۋلىق سالونى ٸشٸندە 16 مىڭعا جۋىعى ٶز قىزمەتٸن ەلٸ قالپىنا كەلتٸرمەگەنٸ نەمەسە ونلاين بKM قولدانباعاندىعى انىقتالدى. ودان بٶلەك, اۋىسىم سوڭىندا بٸر نەمەسە ەكٸ چەكتٸ شىعارۋ سيياقتى فاكتٸلەر دە انىقتالدى. باقىلاۋ-كاسسا ماشينالارىن پايدالانباۋ جەنە چەكتەر بەرمەۋ - بۇل كەسٸپكەرلٸك كٸرٸستٸ جاسىرۋ ارقىلى سالىق زاڭناماسىن جەنە تۇتىنۋشىلار قۇقىعىن بۇزۋ بولىپ سانالادى», - دەلٸنگەن مەملەكەتتٸك كٸرٸستەر كوميتەتٸ باسپاسٶز قىزمەتٸنٸڭ مەلٸمەتٸندە.
جاقىن ارادا كوميتەت جىل سايىنعى «چەكتٸ تالاپ ەت - جٷلدە ۇتىپ ال!» اكتسيياسىن باستايدى. وندا جٸبەرٸلگەن چەكتەرٸ ٷشٸن اكتسيياعا قاتىسۋشىلار ۇيالى تەلەفونىنىڭ تەڭگەرٸمٸنە بٸردەن اقشا الۋىنا مٷمكٸندٸگٸ بار. ەگەر چەك بەرٸلمەسە, اكتسيياعا قاتىسۋشىلار موبيلدٸ قوسىمشا ارقىلى تيٸستٸ شاعىمدى جٸبەرە الادى. وسى ورايدا شاعىم راستالسا, ۇيالى تەلەفوننىڭ تەڭگەرٸمٸنە كەپٸلدەندٸرٸلگەن اقشانى الا الادى.
«مەملەكەتتٸك كٸرٸستەر كوميتەتٸ ازاماتتاردى تاۋارلار ساتىپ الۋدا, جۇمىستار مەن قىزمەت چەكتەردٸ تالاپ ەتە وتىرىپ, ازاماتتىق بەلسەندٸلٸك تانىتۋعا شاقىرادى», - دەيدٸ ماماندار.
بۇدان بۇرىن حابارلانعانداي, قازاقستانداعى شاشتارازدار ەكٸ كٷننٸڭ ٸشٸندە 52,3 ملن تەڭگە تابىس تاپقان.
