Búgin Májilistegi Úkimet saǵatynda QR Aýyl sharýashylyǵy ministri Erbol Qarashókeev mal basyna syrǵalardy satyp alý fýnktsiiasy jergilikti atqarýshy organdarǵa beriletinin aitty, dep habarlaidy QazAqparat.
«Taǵy bir mańyzdy másele - jergilikti atqarýshy organdardyń josparly vaktsinalaý júrgizý men birdeilendirý boiynsha tiimsiz jumysy. Bul ákimdikterdiń veterinariialyq preparattardy, janýarlardy birdeilendirýdi júrgizýge arnalǵan birkalardy jáne qan synamalaryn alý júielerin satyp alý jáne jetkizý boiynsha ministrliktiń jumysyna joǵary táýeldiligimen bailanysty. Satyp alý boiynsha konkýrstyq rásimderdiń uzaqtyǵy, sondai-aq olardy ákimdikterge berý kezindegi biýrokratiia janýarlardy birdeilendirýdi jáne josparly veterinariialyq-profilaktikalyq is-sharalardy ótkizý merzimderiniń buzylýyna ákeledi, bul jaýapkershiliktiń tómendeýine kórsetedi», - dedi Qarashókeev.
Onyń aitýynsha, 2022 jylǵy 1 sáýirdegi jaǵdai boiynsha aýyl sharýashylyǵy janýarlaryn birdeilendirý bazasynda (AShJB) 33,3 mln bas tirkeldi. Onyń ishinde: iri qara mal - 8,3 mln, UQM - 20,6 mln, jylqy - 3,4 mln, túie - 250 myń bas.
«Alaida, óńirlerge qulaq syrǵalarynyń ýaqtyly jetkizilmeýine bailanysty AShJB-ǵa tólderdi tirkeý 2020 jyly júzege asyrylmady. Osyǵan bailanysty ministrlik «jasyl dálizdi» iske qosý arqyly olardy tirkeýge májbúr boldy. Nátijesinde, 2021 jyldyń naýryz-mamyr aralyǵynda qosymsha 1,1 mln bas tirkeldi. Qoldanystaǵy birdeilendirý júiesiniń tómen tiimdiligi «jasyl dáliz» sharalaryn únemi júrgizýdi qajet etti», - dedi ministr.
Reforma aiasynda osy júieniń kemshilikterin joiý úshin myna qadamdar qarastyrylǵan:
1. Aýyl sharýashylyǵy janýarlaryn birdeilendirý úshin syrǵalardy satyp alý fýnktsiiasyn jergilikti atqarýshy organdarǵa berý. Bul rette uiymdastyrylǵan sharýashylyqtarǵa (ShQ, FQ, JShS jáne t. b.) óz qarajaty esebinen, al jeke qosalqy sharýashylyqtarǵa tiesili janýarlar úshin jergilikti biýdjet esebinen júrgizý;
2. Aýdandyq deńgeide AShJB derekqoryna túzetýler engizý, túzetýler engizýge arnalǵan algoritmdi jáne rastaityn qujattar tizbesin bekitý, sondai-aq tirkelmegen mal basyn zańdastyrý múmkindigi maqsatynda aýyl sharýashylyǵy janýarlaryn birdeilendirý jáne derekqordy júrgizý jónindegi normativtik aktilerge birqatar ózgerister engizý.
3. AShJB mobildi nusqasyn iske qosý. Bul janýarlardy sáikestendirýdi jáne aldyn alý sharalaryn ýaqtyly júrgizýge múmkindik beredi.
