Qazaqstanda qansha avtokólik bar ekendigi belgili boldy, dep habarlaidy "Ult aqparat".
Qazaqstan avtobiznes qaýymdastyǵynyń habarlaýynsha, elimizde barlyq tiptegi 4 566 198 kólik pen tirkeme bar. Olardyń 3 755 890 danasy nemese 82,2 paiyzy - jeńil avtokólikter. 446 475 aýyr júk kólikteri bolsa, 241 259 tirkeme men jartylai tirkeme, 63 058 mototehnika men 59 516 avtobýs bar. Kóbinese avtokólikter eldiń ońtústik-shyǵysynda shoǵyrlanǵan.
«Jalpy, kólikter men tirkemelerdiń qoldanystaǵy jyly 20 jyldan asyp ketken (2 485 161). 10 men 20 jyl aralyǵyndaǵy kólikterdiń sany 959 263. Sonymen birge, 1 millionǵa tarta kóliktiń jasy 3 pen 10 jyl aralyǵynda. Úsh jylǵa deiingi kólikterdiń sany 176 661 avto», - delingen habarlamada.
Kólik markalary boiynsha Qazaqstanda eń kóp kólikterdiń kóshin VAZ/Lada (757 960 dana) bastap tur. Atalǵan kólikterdi paidalanǵanyna 20 jyldan astam ýaqyt ótip ketken. Al ekinshi oryndaǵy Toyota markaly kólikterdiń sany 487 453 avto. Sondai-aq, táýelsizdik alǵaly beri Qazaqstanǵa Germaniiadan millionǵa tarta kólik jetkizilgen. Eń kóp kezdesetin nemis brendi Volkswagen. Atalǵan marka boiynsha Qazaqstanda 294 myń kólik bar.
Odan keiingi oryndarda Audi – 224 myń avto men Mercedes-Benz (190 myń) ornalasqan.
