قازاقستاندا قانشا اۆتوكٶلٸك بار?

قازاقستاندا قانشا اۆتوكٶلٸك بار ەكەندٸگٸ بەلگٸلٸ بولدى, دەپ حابارلايدى "ۇلت اقپارات".

قازاقستان اۆتوبيزنەس قاۋىمداستىعىنىڭ حابارلاۋىنشا, ەلٸمٸزدە بارلىق تيپتەگٸ 4 566 198 كٶلٸك پەن تٸركەمە بار. ولاردىڭ 3 755 890 داناسى نەمەسە 82,2 پايىزى - جەڭٸل اۆتوكٶلٸكتەر. 446 475 اۋىر جٷك كٶلٸكتەرٸ بولسا, 241 259 تٸركەمە مەن جارتىلاي تٸركەمە, 63 058 موتوتەحنيكا مەن 59 516 اۆتوبۋس بار. كٶبٸنەسە اۆتوكٶلٸكتەر ەلدٸڭ وڭتٷستٸك-شىعىسىندا شوعىرلانعان.

«جالپى, كٶلٸكتەر مەن تٸركەمەلەردٸڭ قولدانىستاعى جىلى 20 جىلدان اسىپ كەتكەن (2 485 161). 10 مەن 20 جىل ارالىعىنداعى كٶلٸكتەردٸڭ سانى 959 263. سونىمەن بٸرگە, 1 ميلليونعا تارتا كٶلٸكتٸڭ جاسى 3 پەن 10 جىل ارالىعىندا. ٷش جىلعا دەيٸنگٸ كٶلٸكتەردٸڭ سانى 176 661 اۆتو», - دەلٸنگەن حابارلامادا.

كٶلٸك ماركالارى بويىنشا قازاقستاندا ەڭ كٶپ كٶلٸكتەردٸڭ كٶشٸن ۆاز/Lada (757 960 دانا) باستاپ تۇر. اتالعان كٶلٸكتەردٸ پايدالانعانىنا 20 جىلدان استام ۋاقىت ٶتٸپ كەتكەن. ال ەكٸنشٸ ورىنداعى Toyota ماركالى كٶلٸكتەردٸڭ سانى 487 453 اۆتو. سونداي-اق, تەۋەلسٸزدٸك العالى بەرٸ قازاقستانعا گەرمانييادان ميلليونعا تارتا كٶلٸك جەتكٸزٸلگەن. ەڭ كٶپ كەزدەسەتٸن نەمٸس برەندٸ Volkswagen. اتالعان ماركا بويىنشا قازاقستاندا 294 مىڭ كٶلٸك بار.

ودان كەيٸنگٸ ورىنداردا Audi – 224 مىڭ اۆتو مەن Mercedes-Benz (190 مىڭ) ورنالاسقان.