QR Ishki ister ministrligi Ákimshilik politsiia komiteti tóraǵasynyń orynbasary Serik Túsipov Qazaqstanda qandai jol erejeleri jii buzylatynyn aityp berdi, dep habarlaidy QazAqparat.
«Jol qaýipsizdiginiń negizgi faktorlarynyń biri – ádettegidei júrgizýshilerdiń jol júrý tártibi bolyp qala beredi. Jyl saiyn biz 5,652 mln jol qozǵalysy erejelerin buzýdy tirkeimiz», - dedi Serik Túsipov ministrlikte ótken onlain brifingide.
Spikerdiń aitýynsha, jyl basynan beri 1,3 mln jol júrý erejesiniń buzylǵany anyqtaldy.
Onyń ishinde: 437 myń jyldamdyqty asyrý faktisi, 289 myń belgiler men tańbalar talaptaryn buzý, 68,6 myń jaryq aspaptaryn paidalanýdy buzý, 5 myń jolaýshylar men júkterdi tasymaldaý qaǵidalaryn buzý jáne 19,5 myń aialdaý jáne avtoturaq qaǵidalaryn buzý.
Mas kúiinde kólik aidaǵan 5,2 myń júrgizýshi ustaldy. Jol qozǵalysy erejelerin buzǵany úshin 6 myń júrgizýshi kólik júrgizý quqyǵynan aiyryldy, 5,3 myń adam ákimshilik qamaýǵa alyndy.
