Foto: freepik
Bas prokýror Berik Asylov elimizde kameralarǵa adamdy bet-júzi arqyly taný júiesi engiziletinin aitty, dep habarlaidy "Ult aqparat" Stan.kz aqparat agenttigine silteme jasap.
Bas prokýror H áleýmettik jelisindegi paraqshasynda sot tóreliginen jasyrynǵan adamdardy izdestirý kúsheitiletinin jetkizdi. Aitýynsha prokýrorlar adamdar kóp jinalatyn jerlerde beinebaqylaý kameralaryn baqylaý arqyly 53 qashqyndy tanyp, ustaý sharalaryn qabyldady.
Berik Asylov endi bul jumysqa jasandy intellekt te qosylatynyn jetkizdi.
"Biyl tamyz aiynan bastap Almaty men Atyraý qalalaryndaǵy beinebaqylaý kameralaryna biz qashqyn qylmyskerlerdi, boryshkerlerdi jáne habar-osharsyz ketkenderdi avtomatty túrde taný boiynsha AI elementterimen IT-ázirlemeni qostyq. Eki kún ishinde tergeýden jasyrynǵan 2 adam jáne habar-osharsyz ketken 2 adam tanyldy", – dedi Berik Asylov.
Ol AI kómegimen kameralar arqyly tipti syrtqy kelbeti qatty ózgergen adamdardy da tanýǵa bolatynyn atap ótti. Endi barlyq óńirlerde tulǵany taný júiesin engizý tapsyryldy.
Bas qadaǵalaý organynyń málimetinshe, qazir 9 myńnan astam adam izdeýde, onyń ishinde 2,2 myńy qylmysker jáne 2 myńy joǵalǵandar.
