Foto: Úkimet
Úkimet otyrysynda ekologiia jáne tabiǵi resýrstar vitse-ministri Jomart Áliev Qaldyqtyń barlyq túrlerin basqarýdyń 2026-2030 jyldarǵa arnalǵan tujyrymdamasy sheńberinde josparlanyp otyrǵan sharalar týraly baiandady, dep habarlaidy Ult.kz.
Ol qujat sheńberinde: qaldyqtardyń barlyq túrlerin tolyq túgendeý jáne memlekettik kadastrdy jańartý; aqparattyq júiede qaldyqtardyń barlyq bilim alýshylaryn mindetti tirkeý; jasandy intellektini engize otyryp, salany tsifrlandyrý kózdelgenin atap ótti.
«Taǵy bir mańyzdy shara – qaldyqty bir rettik zańdastyrý, iaǵni legalizatsiialaý, bul qaldyq ielerine esepte jazylmaǵan naqty jinalǵan kólemdi aiyppulsyz esepke alýǵa múmkindik beredi. Nátijesinde barlyq qaldyqtardyń naqty sipaty anyqtalyp, olardyń paidaly fraktsiialary aiqyndalyp, qaitalama ainalymǵa tartý múmkindigi paida bolady», — dep atap ótti Jomart Áliev.
Biryńǵai normativtik-quqyqtyq qurylymdy qalyptastyrý maqsatynda Tujyrymdamada:
- 🔹qaishylyqtar men qaitalaýdy boldyrmaityn, qaldyq túrleri boiynsha zańnamany bir júiege keltirý,
- 🔹ókilettik pen jaýapkershilikti naqty bekitý, onyń ishinde qaita óńdemegeni jáne rekýltivatsiia jasamaǵany úshin qaldyq ieleriniń jaýapkershiligin kúsheitý,
- 🔹ónerkásiptik, kommýnaldyq, qurylys, aýyl sharýashylyǵy jáne meditsinalyq qaldyqtardy basqarý tártibin jetildirý kózdelgen.
Bul sharalar — barlyq qatysýshy úshin talaptardyń oryndalýyn jeńildetedi jáne retteýdi ashyq etedi.
Odan bólek ekonomikalyq yntalandyrý úshin tujyrymdamada usynylatyn negizgi sheshimder:
- 🔹Ýtil alym esebinen zamanaýi turmystyq qaldyq poligondar qurylysyn qarjylandyrý.
🔹tarifterdi ár 3 jyl saiyn qaita esepteý jáne ekonomikalyq negizdelgen modelge kóshý;
🔹salyqtyq preferentsiialar men sýbsidiialar qarastyrý;
🔹óndirýshilerdiń keńeitilgen mindettemeleri (ROP) júiesin jetildirý.
Tujyrymdamanyń taǵy da bir jeke baǵyty – qaldyqty basqarý salasynda halyq pen biznestiń ekologiialyq mádenietin arttyrý.
Tujyrymdama jobasynda qaldyqty júieli basqarýǵa kóshýdi kórsetetin kelesidei nysanaly indikatorlar kózdelgen:
- • radioaktivti qaldyqty qospaǵanda, qaldyqtyń barlyq túrlerin 100%-ǵa túgendeý;
• Ónerkásiptik qaldyqtardy qaita paidalaný úlesin 10%-ǵa arttyrý;
• poligonǵa jiberiletin kommýnaldyq qaldyq kólemin keminde 10%-ǵa tómendetý.
