Qazaqstannyń Izraildegi Elshiliginiń qoldaýymen Qazaqstan Densaýlyq saqtaý ministrligi Sanitarlyq-epidemiologiialyq baqylaý komitetiniń «Ulttyq saraptama ortalyǵy» men izraildik Aid Genomics kompaniiasy arasynda meditsinalyq zerthanany óteýsiz berý týraly ózara túsinistik týraly Memorandýmǵa qol qoiý rásimi ótti, dep habarlaidy QR SIM baspasóz qyzmeti.
Qol qoiý rásimine Qazaqstan Elshisi Satybaldy Burshaqov qatysyp, Izraildiń koronavirýspen kúrestegi jetistikteriniń aiasynda biregei zerthanalyq jabdyqtyń berilýi infektsiialyq aýrýlardyń taralýyn boldyrmaýda erekshe mańyzǵa ie bolyp otyrǵanyn atap ótti.
Diplomat sondai-aq Qazaqstan men Izrail densaýlyq saqtaý salasynda belsendi yntymaqtasyp, mamandarǵa únemi treningter ótkizip, meditsinalyq zertteýler salasynda tájiribe almasyp otyrǵanyn habarlady.
Óz kezeginde, Aid Genomics Bas direktory Snir Zano bizdiń elderimiz arasyndaǵy dostyq qarym-qatynastardy joǵary baǵalai otyryp, eń jańa modeldegi zerthananyń túrli genomdyq jobalarda paidalanylýy múmkin tehnologiialardyń joǵary dáldikti molekýliarlyq-diagnostikalyq múmkindikterin kórsete alatyndyǵyn atap ótti.
Jobany iske asyrý aiasynda izraildik seriktester zerthanany iske qosýǵa jáne ony odan ári paidalaný úshin óz mamandaryn Qazaqstanǵa jiberýdi, sondai-aq jergilikti meditsinalyq mamandardy uiretip, oqytýdy josparlap otyr.
AID Genomics Limited - qaterli isik jáne juqpaly aýrýlarmen aýyratyn naýqastardy diagnostikalaý men emdeýdi júzege asyratyn meditsinalyq tehnologiialarǵa mamandanǵan halyqaralyq kompaniialar toby. Aid Genomics-tiń daiyndalǵan eksperimenttik platformalaryn onkologiia, molekýlalyq biologiia, molekýlalyq patologiia, genomika jáne bioinformatika salasyndaǵy jetekshi mamandar toby ázirledi. Kompaniia Izrailde júrgizilgen PTR test ardyń 70% qamtamasyz etken.
