Qazaqstanda iskerlik belsendilik indeksi tómendedi. Bul týraly Ulttyq baktiń aqsha-kredit saiasaty departamentiniń direktory Jandos Shaimardanov aitty, dep habarlaidy "Ult aqparat".
Kásiporyndar arasynda júrgizilgen saýalnamanyń nátijesi boiynsha 2020 jyly jeltoqsanda Qazaqstandaǵy iskerlik belsendilik indeksi 49,0-ge deiin 0,4 paiyzdyq tarmaqqa tómendedi.
«Indekstiń tómendeýi kóbine qurylystaǵy kórsetkishtiń 49,5-ke deiin 3 tarmaqqa tómendeýine negizdeldi. Qyzmet kórsetý salasynda iskerlik belsendilik indeksi 48,0 deńgeiinde (2020 jylǵy qarashada – 48,7) qalyptasty. Bul rette, ónerkásip salasyndaǵy iskerlik belsendilik 2020 jylǵy qańtardan keiin alǵash ret oń aimaqqa ótip, 50,3-ti (2020 jylǵy qarashada – 49,6) qurady», - deidi Jandos Shaimardanov.
Jeltoqsanda óńirler boiynsha kórsetkishter Qostanai, Mańǵystaý jáne Shyǵys Qazaqstan oblystarynda jaqsardy. Indekstiń edáýir nasharlaýy Aqtóbe jáne Batys Qazaqstan oblystarynda baiqalady.
Naqty sektor kásiporyndary Qazaqstanda biznes júrgizý jaǵdailaryn jaqsartý jumystarynyń jalǵasatynyn atap ótti. Jeltoqsanda biznes ahýal indeksi 2020 jylǵy eń joǵary kórsetkish – 4,2-ge jetti.
Jeltoqsanda saýlnamaǵa 452 kásiporyn qatysty: qurylys salasynda – 64, ónerkásip salasynda – 172, qyzmet kórsetý salasynda – 216.
