Qazaqstanda iskerlik belsendilik indeksi eki ai qatarynan ósip keledi. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Qazaqstanda iskerlik belsendilik indeksi eki ai qatarynan ósý aimaǵynda saqtalýda. Biylǵy jylǵy sáýirde ol qyzmet kórsetý jáne ónerkásip sektorynda qalpyna kelýdiń jalǵasýyna bailanysty 50,5 tarmaq boldy», - dedi UB tóraǵasy.
Onyń atap ótýinshe, sáýirde óndiristiń ósýi, suranys jáne qyzmet kórsetý salasynyń ozyq qalpyna kelýi aiasynda ekonomikalyq belsendiliktiń jahandyq indeksi (Global Somposite PMI) 11 jyldaǵy eń joǵary kórsetkish – 56,3 tarmaqqa jetti.
«Indekske eń kóp úles qosqan elder – AQSh, Ulybritaniia jáne Avstraliia. Japoniiada ekonomikalyq belsendiliktiń álsiz ósýi baiqaldy. Al Braziliiada jáne Úndistanda koronovirýspen aýrýlardyń ósýi sebebinen kórsetkishtiń tómendeýi tirkeldi», - dedi Erbolat Dosaev.
