Qazaqstanda ishki reisterge IOSA talaptary qaita engizilýi múmkin. Bul týraly Ortalyq kommýnikatsiialar qyzmetindegi baspasóz máslihatynda QR Indýstriia jáne infraqurylymdyq damý vitse-ministri Berik Kamaliev aitty, dep habarlaidy "Ult aqparat".
Onyń atap ótýinshe, Halyqaralyq áýe kóligi qaýymdastyǵynyń (IOSA) ishki áýe reisterine arnalǵan mindetti sertifikattaý jáne qaýipsizdik boiynsha aýdit talaptary elimizde qoldanysta bolǵan.
«Mundai talap halyqaralyq ushýlarǵa bar. 2016 jyly ishki reisterge de mundai ereje bolǵan edi. Keiin biznes-qoǵamdastyqtyń ótinishimen bul talap alynyp tastaldy. Biz bul máselege oralatyn bolamyz», - dedi Berik Kamaliev.
Halyqaralyq áýe kóligi qaýymdastyǵy ushý qaýipsizdigin, ushý óndirisin, ushýdy júzege asyrýdy, tariftik saiasatty, tehnikalyq qyzmet kórsetýdi, aviatsiialyq qaýipsizdikti, IKAO-men birlesip halyqaralyq standarttardy ázirleýdi jáne basqa da áýe kóligi salasyn uiymdastyrýshy jáne múddesin bildirýshi retinde jumys isteidi.
