ShQO-da 87 jastaǵy zeinetker alaiaqtardyń qurbany bola jazdady ShQO-da 87 jastaǵy zeinetker alaiaqtardyń qurbany bola jazdady Shai ónimderin ákelý men satýǵa salynǵan shekteý alyndy – Komitet Shai ónimderin ákelý men satýǵa salynǵan shekteý alyndy – Komitet
Ekonomika jáne biznes

Qazaqstanda iri tehnika dúkenderi baǵa boiynsha sóz bailasty degen kúdikke ilindi

Ult portaly
Qazaqstanda iri tehnika dúkenderi baǵa boiynsha sóz bailasty degen kúdikke ilindi

Illiýstratsiialyq foto: elements.envato.com

"Mechta Market" saýda jelisine monopoliiaǵa qarsy retteý salasyndaǵy zańnamany buzý belgileri boiynsha habarlama berildi. Bul týraly Básekelestikti qorǵaý jáne damytý agenttiginiń Nur-Sultan qalasy boiynsha departamenti habarlady, - dep habarlaidy Tengrinews.kz.

"Turmystyq tehnikany satý boiynsha taýar naryǵyn taldaý aiasynda "Mechta Market" JShS, sondai-aq básekeles Arena S JShS men Technodom Operator AQ-ta taýarlardy satý baǵasy birdei ekeni anyqtaldy.

2021 jylǵy 1 qańtardan 20 qyrkúiekke deiingi kezeńde Óskemen qalasynda tońazytqyshtardy satý naryǵyndaǵy básekelestik jaǵdaiyna taldaý alyndy, onyń qorytyndysy boiynsha Arena S JSSh, Technodom Operator AQ, "Mechta Market" JShS áreketinde básekelestik zańnamasyn buzý belgileri anyqtaldy", - dedi vedomstvo ókilderi.

Bul rette, vedomstvo málimetinshe, ónim naryǵyndaǵy seriktestikterdiń jalpy úlesi 35 paiyzdan asady, al árbir sýbektiniń úlesi bes paiyzdan asady.

"Baǵany ustap turý nátijesinde kelisilgen is-áreketke qatysýshylar satyp alýshylarǵa ekonomikalyq orynsyz jaǵdai jasaý maqsatynda ózara básekelestikti joidy, osylaisha, árqaisy satý kóleminiń tómendeý qaýpinen saqtandy, bul olardyń múddesine sáikes keledi", - dep túsindirdi departamenttegiler.

JShS-lardyń bárinde taýarlardyń bar-joǵy, baǵalar, jeńildikter men aktsiialar týraly habardar etetin jeke internet-dúkeni bary aitylǵan.

"Uiymdardyń táýelsiz qarjylyq-sharýashylyq qyzmetine qaramastan, taýarlardy satý baǵasy birdei, bul baǵany kóterý jáne ustap turý boiynsha baǵalyq sóz bailasýdy kýálandyrady.

Osy sýbektilerdiń áreketi taýarlardy ótkizý baǵasyn belgileý men ustap turýda kelisilgen áreketter retinde sipattalady", - dedi vedomstvo ókilderi.

"Mechta Market" JShS Nur-Sultan qalasynda tirkelgendikten, ony tekserýmen aýmaqtyq departament ainalysqan.

Básekelestikti qorǵaý jáne damytý agenttiginiń Nur-Sultan qalasy boiynsha departamenti "Mechta Market" JShS-ǵa qatysty Qazaqstan Respýblikasynyń básekelestikti qorǵaý salasyndaǵy zańnamasyn buzý belgilerin joiý boiynsha sharalar qabyldaý qajet ekeni týraly habarlama engizgen.

Oqi otyryńyz