Foto: Stat.gov.kz
Qazaqstan Úkimeti Memleket basshysynyń tapsyrmasy aiasynda ekonomikany ártaraptandyrý jáne qaita óńdeý salasyn damytýǵa baǵyttalǵan aýqymdy indýstriialyq jobalardy iske asyrýda, dep habarlaidy Ult.kz.
Negizgi maqsat – shikizat eksportyna táýeldilikti azaityp, óńdelgen ónim kólemin arttyrý, jańa jumys oryndaryn ashý jáne turaqty eksporttyq áleýet qalyptastyrý.
Búginde jalpy quny 10,2 trln teńgege jýyq iri jobalar portfeli jasaqtaldy. Olar 20 myńnan astam jańa jumys ornyn qurýǵa múmkindik beredi.
Iri jobalar qatarynda:
-
«EvroHim–Qarataý» JShS (Jambyl oblysy)
536 mlrd teńge investitsiia. Jylyna 800 myń tonna kúkirt qyshqyly men mineraldy tyńaitqysh shyǵarylady. 1,2 myń jumys orny. Kelesi jyly iske qosylady. -
«Sastóbe himiialyq kesheni» JShS (Túrkistan oblysy)
Investitsiia – 153,9 mlrd teńge. Jylyna 100 myń tonna kaýstikalyq soda, 120 myń tonna PVH jáne basqa da ónimder óndiriledi. 940 jumys orny. 2027 jyly iske qosylady. -
«Qazaq Kalium Ltd» (BQO)
1,2 trln teńgelik kalii tyńaitqyshtary kesheni. Jylyna 1,5 mln tonna ónim. 4 myń jumys orny. 2027 jyly iske qosylady. -
«Taiqonyr Qyshqyl Zauyty» JShS (Túrkistan oblysy)
113,5 mlrd teńge. Jylyna 800 myń tonna kúkirt qyshqyly. 274 jumys orny. 2027 jyly iske qosylady. -
«Qarmet» AQ (Qaraǵandy oblysy)
Bolat ónimderiniń jańa túrlerin shyǵarý jobasy. 1,6 trln teńge investitsiia. Jylyna 5 mln tonna bolat. 1,9 myń jumys orny. 2028 jyly iske qosylady. -
SSKÓB (Qostanai oblysy)
Ystyqtai brikettelgen temir óndiretin zaýyt. 920 mlrd teńge. Jylyna 2 mln tonna ónim. 1 myń jumys orny. 2028 jyly iske qosylady.
Sheteldik investorlar tartý kúsheidi
Shikizattan bólek sektorlardy qoldaý maqsatynda Úkimet sheteldik investorlardy óńdeý, metallýrgiia, himiia jáne materialdar óndirisine tikelei tartýdy jandandyryp otyr.
Qatysýshy eldermen birge jalpy quny 5,7 trln teńgege 20 iri joba daiyndalǵan. Olar boiynsha 11 myńnan astam jumys orny ashylady.
Investitsiialar eń kóp tartylǵan óńirler:
-
Jambyl oblysy – 1,47 trln teńge
-
Pavlodar oblysy – 1,02 trln teńge
-
Qostanai oblysy – 920 mlrd teńge
Salalar boiynsha:
-
tústi metallýrgiia – 1,95 trln tg
-
qara metallýrgiia – 1,76 trln tg
-
himiia ónerkásibi – 1,71 trln tg
«Aralas qarjylandyrý» tetigi tiimdiligin kórsetýde
Ónerkásip jáne qurylys vitse-ministri Oljas Saparbekovtiń aitýynsha, 2022 jyldan beri aralas qarjylandyrý qaǵidaty boiynsha 116 jobaǵa 700 mlrd teńgeden astam qarajat bólingen.
Aldaǵy úsh jylda indýstriialyq jobalardyń esebinen 30 myńnan astam turaqty jumys orny ashý josparlanyp otyr.
2026 jylǵa arnalǵan biýdjette QDB, Ónerkásipti damytý qory jáne Qazaqstan Investment Corporation arqyly 30-ǵa jýyq jańa jobany qoldaý qarastyrylǵan. Bul sharalar shikizattyq emes ónim óndirisin ulǵaitýǵa jáne jańa investorlar tartýǵa jol ashady.
