«Báiterek» UBH» AQ turǵyn úi blogynyń enshiles uiymdary ipoteka tólemderin 3 aiǵa shegere turmaq, dep habarlaidy "Ult aqparat".
«23 naýryzda Tótenshe jaǵdai jónindegi memlekettik komissiianyń otyrysynda aitylǵan Memleket basshysynyń tapsyrmalaryna sáikes, ýaqytsha qarjylyq qiyndyqtarǵa tap bolǵan jeke jáne zańdy tulǵalar úshin Holdingtiń turǵyn úi blogynyń enshiles uiymdary (Turǵyn úi qurylys jinaq banki, Qazaqstan ipotekalyq kompaniiasy, Báiterek development) barlyq tólemder boiynsha, negizgi qaryz ben syiaqy somasyn qosa alǵanda, turǵyn úi jáne turǵyn emes jyljymaityn múlik obektilerin satyp alý quqyǵymen jaldaý/satyp alý-satý (onyń ishinde bólip tóleý) barlyq mámileleri boiynsha, aiyppuldar men ósimaqy eseptemei, aldaǵy 3 aiǵa (sáýir-maýsym) tólemderdi keiinge qaldyrý týraly sheshim qabyldady» delingen «Báiterek» Ulttyq basqarýshy holdingi» AQ baspasóz qyzmeti taratqan habarlamada.
Tólemderdi keiinge qaldyrý úshin memlekettik operatorlarǵa qashyqtyqtan bailanys arnalary (jeke kabinet, telegram-bottar, resmi saittar) arqyly ótinish berýi kerek. Ótinish jeke tártippen qaralatyn bolady.
Barlyq suraqtar boiynsha call-ortalyqtardyń nómirleri boiynsha habarlasýǵa bolady:
Turǵyn úi qurylys jinaq banki: 300
Qazaqstandyq Ipotekalyq kompaniia: +7 800 080 44 48
Báiterek development: +7 7172 79 65 60, +7 800 080 01 01
