Tsifrlyq damý, innovatsiialar jáne aeroǵarysh ónerkásibi vitse-ministri Ashat Orazbek interneti eń nashar óńirlerdi atap, bul másele qalai sheshiletinin aitty, - dep habarlaidy Tengrinews.kz tilshisi.
"Eń nashar internet - Shyǵys Qazaqstan jáne Qaraǵandy oblystarynda. Saryarqa Qaraǵandy oblysyn, Aqtóbe oblysynyń bir bóligin qamtidy. Internetti jetkizý óte qiyn, óitkeni jer bederinde problemalar bar. Shyǵys Qazaqstan oblysynda da solai. Ol jerde taý bar, ózderińiz de bilesizder", - dedi ol.
Ol bul óńirler men shalǵai aýyldarǵa internet geostatsionariia emes bailanys spýtnikteri arqyly jetkiziletinin túsindirdi.
"OneWeb, Starlink-ti bilesizder... Osy spýtnikter shalǵai aýdandarǵa sapaly internet jetkizýge múmkindik beredi", - dedi Orazbek.
