Respýblikalyq biýdjetke engizilgen kóktemgi túzetýlerde Úkimet infliatsiia dálizin 8-10 paiyz deńgeiinde belgiledi. Bul týraly ulttyq ekonomika ministri Álibek Qýantyrov málimdedi, - dep habarlaidy Tengrinews.kz.
"Ulttyq banktiń boljamy boiynsha eksport 72,2 milliard dollarǵa deiin ósedi. Import 40,2 milliard dollar bolady. Infliatsiia 8-10 paiyz dálizinde anyqtalady.
Túzetilgen makroekonomikalyq boljam negizinde biýdjet kirisiniń boljamy naqtylandy. 2022 jyly respýblikalyq biýdjettiń kirisi 10,1 trillion teńgege baǵalanyp otyr, bul bekitilgen jospardan 955 milliard teńgege joǵary", - dedi Qýantyrov Úkimet otyrysynda.
Onyń aitýynsha, kirister boiynsha negizgi ósim munaidyń boljamdy baǵasynyń ósýi, teńgeniń dollarǵa qatysty baǵamynyń ózgerýi jáne makroekonomikalyq kórsetkishterdiń artýy esebinen korporativtik tabys salyǵy aiasynda baj mólsherlemesiniń artýy esebinen munaiǵa eksporttyq kedendik baj boiynsha kútiledi.
"2022 jyly biýdjet tapshylyǵyn 2,9 trillion teńge nemese JIÓ-niń 3,3 paiyzy deńgeiinde anyqtaý usynylady. Respýblikalyq biýdjettiń shyǵystaryn túzetilgen kólemmen salystyrǵanda 2,7 trillion teńgege ulǵaita otyryp, 18,8 trillion teńge kóleminde aiqyndaý usynylady", - dep tolyqtyrdy ministr.
