Illiýstratsiialyq foto: elements.envato.com
Qazaqstanda infliatsiia 8,7 paiyzdan birden 12 paiyzǵa ósti. Eń aldymen azyq-túlik taýarlary qymbattady, - dep habarlaidy Tengrinews.kz tilshisi Ulttyq statistika biýrosy derekterine silteme jasap.
2021 jylǵy naýryzda infliatsiia 8,7 paiyz bolǵan. Biýro málimeti boiynsha, 2022 jylǵy naýryzdyń aiaǵynda Qazaqstandaǵy infliatsiia 12 paiyzǵa deiin ósken.
"2022 jylǵy naýryzda tutyný baǵalarynyń indeksi ótken aimen salystyrǵanda 103,7 paiyz boldy. Azyq-túlik taýarlary 5,8 paiyzǵa, azyq-túlikke jatpaityn taýarlar baǵasy 2,8 paiyzǵa, aqyly qyzmetter baǵasy 1,4 paiyzǵa ósti", - delingen habarlamada.
Jyl basynan beri tutyný taýarlary men qyzmetterge baǵa men tarifter 5,2 paiyzǵa, onyń ishinde azyq-túlik taýarlaryna - 8,2 paiyzǵa, azyq-túlikke jatpaityn taýarlarǵa - 3,6 paiyzǵa, aqyly qyzmetterge - 2,6 paiyzǵa ósti.
Buǵan deiin "Qazaqstan tutynýshylar ligasy" qaýymdastyǵynyń jetekshisi Svetlana Romanovskaia sońǵy aptalarda kóp ónim 30-40 paiyzǵa qymbattaǵanyn aitqan bolatyn.
