Qazaqstan Respýblikasynyń Mádeniet jáne aqparat ministrligi «Ulttyq volonterler jelisi» ZTB-men birlesip, «Igi ister marafony» jobasynyń bastalǵanyn habarlaidy. Bul biregei joba barlyq qazaqstandyqtardyń volonterlik, qaiyrymdylyq ispen ainalysýyna yqpal etedi, dep habarlaidy Mádeniet jáne aqparat ministrliginiń baspasóz qyzmeti.
Memleket basshysy Ulttyq quryltaidyń úshinshi otyrysynda halqymyzdyń qanyna janashyrlyq, qamqorlyq, baýyrmaldyq siiaqty asyl qasietter sińgenin atap ótti.
Uiymdastyrýshylar «Igi ister marafony» halyqtyń janashyrlyq qasietterin kópke nasihat etip, atalǵan sózderdiń jarqyn dáleli bolatynyna senim bildiredi.
Joba aiasynda kúntizbedegi mańyzdy kúnderge, halyqaralyq jáne túrli áleýmettik jáne mádeni taqyryptarǵa arnalǵan «Jaqsylyq aptalyǵy» men jyl saiynǵy taqyryptyq is-sharalar ótkizý josparlanýda. Taqyryptar ataýy jyl saiyn ózgerip otyrady, bul áleýmettik jaýapkershiliktiń túrli salalaryna qyzyǵýshylyqty arttyra otyryp, ózekti máselelerdiń alýan túrliligi men keń aýqymyn qamtidy. «Igi ister marafonynyń» osy aptasy ekologiiaǵa arnalady. Jobaǵa qatysý úshin jasaǵan igi is týraly áleýmettik jelilerde aqparat jariialap, Qazvolunteer.kz onlain platformasynda tirkeýden ótý qajet.
Marafon qorytyndysy boiynsha, eń belsendi qatysýshylar alǵys hattarmen jáne estelik syilyqtarmen marapattalady. Jobaǵa qatysý úshin tolyq aqparat pen nusqaýlyqty Qazvolunteer.kz saitynan alýǵa bolady jáne áleýmettik jelidegi @kz_nvs jáne @qazvolunteer.kz paraqshalarynan taba alasyzdar.
