Ǵylymǵa arnalǵan shyǵyndar 2025 jylǵa qarai JIÓ-niń 1 paiyzyna deiin ósedi. Bul týraly QR Bilim jáne ǵylym ministrligi baspasóz qyzmetinen málim boldy, dep habarlaidy "Ult aqparat".
«Ótken jyly Ulttyq ǵylymi keńestiń quramy jańartylyp, jumysynyń jańa qaǵidalary bekitilgen bolatyn. Jobalardyń ekonomikalyq saraptamasy men Ulttyq ǵylymi keńes baldaryn saralaý rásimi, memlekettik ǵylymi-tehnikalyq saraptama engizildi. 2021 jyly alǵash ret ǵylymi uiymdardy jańǵyrtýǵa 2,8 mlrd teńge kóleminde qarajat bólindi. Bul 22 ǵylymi-zertteý institýtynyń materialdyq-tehnikalyq bazasyn nyǵaitýǵa múmkindik berdi», - delingen ministolik málimetinde.
Qysqa ýaqyt ishinde biologiialyq qaýipsizdik ǵylymi-zertteý institýtynyń ǵalymdary óte mańyzdy jumys júrgizip, birden bes vaktsinany ázirlep shyqty. Olardyń alǵashqy ekeýi klinikaǵa deiingi jáne klinikalyq synaqtardan sátti ótip jatyr. Otandyq vaktsinalar óndirisin iske qosý úshin GMP-niń barlyq talabyna sáikes keletin zaýyt salynyp jatyr.
«Ǵylymdy qarjylandyrýdy odan ári ulǵaitý josparlanyp otyr. Ǵylymǵa arnalǵan shyǵyndar 2025 jylǵa qarai JIÓ-niń 1 paiyzyna deiin ósedi. Bul qazaqstandyq ǵylymnyń damýyna jańa serpin beredi», - dep atalyp ótken vedomstvo habarlamasynda.
