Sýret ashyq derekkózden alyndy
Qazaqstanda gaz qory jetkilikti. Bul týraly «QazaqGaz» UK» AQ basqarma tóraǵasynyń marketing jónindegi orynbasary Arman Qasenov aitty, dep habarlaidy QazAqparat.
«Qazaqstanda gaz qory jetkilikti, iaǵni 3,8 trln tekshe metr shamasynda. Eger taýarlyq gazdy tutyný shamamen 25 mlrd tekshe metr ekenin eskersek, gaz qory 100 jylǵa artyǵymen jetetinin esepteýge bolady», - dedi Qasenov elordada ótken qoǵamdyq keńes jiynynan keiin tilshiler suraǵyna jaýap bere otyryp.
Onyń aitýynsha, qazirgi kezde gaz óńdeý is-qimyldaryn yntalandyrýǵa mán berý kerek.
«Búgin biz qoǵamdyq keńeste óńdeý máselesin talqylap, ishki naryqtaǵy shyǵynymyzdy kórsettik. Jalpy, jer qoinaýyn paidalanýshylarǵa gaz úshin ádil baǵa usynýymyz kerek. Osy oraida, olar shiki gazdy óńdeýdiń tiisti kólemin shyǵara almai jatyr», - dedi QazaqGaz ókili.
Budan buryn habarlanǵandai, QazaqGaz iri kommertsiialyq uiymdar men mainerlerge gazdy qymbat baǵamen berýdi surady. Arman Qasenovtyń aitýynsha, gaz baǵasynyń arzan bolýynan ulttyq operator shyǵynǵa ushyrap jatyr.
