Foto: Gov.kz
2025 jylǵy 1 shildeden 31 jeltoqsanǵa deiin Qazaqstanda turmystyq ballondarda satylatyn suiytylǵan munai gazynyń tańbalanýy men qadaǵalanýy boiynsha pilottyq joba júzege asyrylady. Tiisti buiryqqa QR Energetika ministri Erlan Aqkenjenov qol qoidy.
Energetika ministrligi men Tótenshe jaǵdailar ministrliginiń málimetinshe, búginde ainalymda 800 myńnan astam turmystyq gaz ballony bar. Jyl saiyn jaramsyz nemese merzimi ótken ballondardy qoldanýǵa bailanysty 100-den astam jarylys tirkeledi.
Pilottyq joba aiasynda tańbalaý kodtaryn engizý tásilderin, qoldanystaǵy biznes-protsestermen integratsiiany jáne ainalymǵa qatysýshylardyń operatsiialyq qyzmetindegi yqtimal ózgeristerdi synaqtan ótkizý josparlanǵan. Pilottyq jobany júzege asyrýdy Energetika ministrligi Tótenshe jaǵdailar ministrligi jáne taýarlardy tańbalaý men qadaǵalaýdyń Biryńǵai operatory — Tañba kompaniiasymen birlese júrgizedi.
Gaz ballondaryn tsifrlyq tańbalaý men qadaǵalaý boiynsha pilottyq jobany iske asyrý — júieli esepke alý, qaýipsizdikti qamtamasyz etý jáne barlyq kezeńderde qadaǵalaý úshin mańyzdy qadam. Pilottyq joba qorytyndysy boiynsha bul taýar tobyna mindetti tańbalaýdy engizý týraly sheshim qabyldanady.
Aita keteiik, qazirgi ýaqytta mindetti tańbalaý úsh taýar tobyna engizilgen: temeki ónimderi, aiaq kiim jáne dárilik zattar. Motor mailary, syra jáne syra sýsyndary, zergerlik buiymdar, jeńil ónerkásip taýarlaryn tańbalaý boiynsha pilottyq jobalar aiaqtalǵan. BAD ónimderi boiynsha joba iske asyrylýda, al turmystyq himiia taýarlary boiynsha pilottyq kezeńdi iske qosý josparlanýda.
