Foto: universitymagazine.ca
Qazaqstannyń Ǵylym jáne joǵary bilim ministrligi ǵalymdarǵa ǵylymi ataǵy úshin qansha ústemaqy tólenetinin jariialady, dep habarlaidy "Ult aqparat".
Aita keteiik, 2023 jyldyń 1 qańtarynda ǵylymi uiym qyzmetkerleriniń laýazymdyq jalaqysy 18% artty. Budan bólek 2024 jyldyń 1 qańtarynan bastap taǵy 18%-ǵa, al 2025 jyldyń 1 qańtarynan 17%-ǵa kóbeietin bolady.
Sonymen qatar "Qazaqstan Respýblikasynyń ǵylym máseleleri jónindegi keibir zańnamalyq aktilerine ózgertýler men tolyqtyrýlar engizý týraly" zań jobasynda kózdelgen norma aiasynda ǵylymi ataǵy bar ǵylymi qyzmetkerlerge ústemeaqy mólsherin arttyrý kózdelgen.
Vedomstvo málimetinshe, biyldan bastap ǵylymi ataq bolǵan kezde mynadai mólsherde ústemeaqy belgileý kózdelip otyr:
✔️ Ǵylym kandidaty, filosofiia doktory jáne beiini boiynsha doktor ǵylymi dárejesi bar qaýymdastyrylǵan professor úshin 25 eselengen AEK (buryn 17 AEK);
✔️ Ǵylym doktory ǵylymi dárejesi bar qaýymdastyrylǵan professor úshin 42 eselengen AEK (buryn 34 AEK);
✔️ Ǵylym kandidaty, filosofiia doktory, beiini boiynsha doktor, ǵylym doktory ǵylymi dárejesi bar professor úshin 50 eselengen AEK (buryn 17 AEK).
Atap ótsek, ústemaqylar tiisti diplom nemese bilim týraly qujatty taný týraly kýálik bolǵan jaǵdaida negizgi jumys orny boiynsha júzege asyrylady.
