Foto: QR ǴJBM
11 aqpan – ǵylymdaǵy áielder men qyzdardyń halyqaralyq kúnine orai Ǵylym jáne joǵary bilim ministrligi salada eńbek etip júrgen arýlardy kásibi merekesimen quttyqtady. Vedomstvo bul kúnniń áielderdiń ǵylymi oidyń damýyna, innovatsiialar men órkeniettiń ilgerileýine qosqan úlesin moiyndaýdyń mańyzdy belgisi ekenin atap ótti, dep habarlaidy Ult.kz.
Búginde Qazaqstanda magistr, PhD doktory, beiini boiynsha doktor, ǵylym kandidaty nemese ǵylym doktory dárejesine ie 120 896 adam bar. Sonyń 62 433-i, iaǵni 51,6 paiyzy – áielder. Joǵary bilim berý júiesinde de áielderdiń úlesi joǵary: professor-oqytýshylar quramynyń 65,7 paiyzy – áielder.
Elde ǵylymi zertteýlermen ainalysatyn 12 893 áiel bar, bul barlyq ǵylymi qyzmetkerlerdiń 56 paiyzyna teń. Áiel zertteýshiler jaratylystaný, injenerlik-tehnologiialyq, gýmanitarlyq jáne áleýmettik ǵylymdarda belsendi eńbek etýde. Ásirese gýmanitarlyq (66%) jáne áleýmettik ǵylymdarda (65%) olardyń úlesi basym.
Ministrlik ǵylym jolynda júrgen qyz-kelinshekterge alǵys bildirip, ǵylymi izdenisterine tabys, tyń ideialar men jobalardyń sátti júzege asýyn tiledi.
