2020 jyldyń 4 jeltoqsanynda «Qazirgi konfliktologiianyń vektorlary» atty tórtinshi búkilreseilik konfliktologiialyq forýmy ótti, dep habarlaidy "Ult aqparat".
Atalǵan is-sharanyń qos uiymdastyrýshy Qoldanbaly etnosaiasi zertteýler institýty boldy. Forým zamanaýi janjaldardy basqarýdy damytýdyń innovatsiialyq vektorlaryn qalyptastyrýǵa baǵyttalǵan.
Is-sharaǵa Resei Federatsiiasy Prezidentiniń Ońtústik Federaldy okrýgi boiynsha ókiletti ókili V.N.Gýrba, Búkilreseilik konfliktologtar qaýymdastyǵynyń tóraǵasy, Lomonosov atyndaǵy Máskeý memlekettik ýniversitetiniń professory A.V.Manoilo, Qoldanbaly etnosaiasi zertteýler institýtynyń direktory T.Qaliev jáne t.b. qatysty.
Andrei Manoilo óz sózinde jelilik keńistiktegi jalǵan tehnologiialarǵa qarsy áreket etýdegi reseilik tájiribemen bólisti.
Óz kezeginde, Qoldanbaly etnosaiasi zertteýler institýtynyń direktory Talǵat Qaliev Qazaqstan úshin etnosaiasi máseleler árqashan basymdyqqa ie bolyp kelgenin atap ótti. Sonymen qatar, eldegi etnosaralyq qatynastardy retteý salasy onyń qalyptasýynyń belgili kezeńderinen ótkenin, onyń biri 25 jyl buryn Qazaqstan halqy Assambleiasynyń qurylýy ekenin sózge tiek etti. QHA tiimdiliginiń joǵary baǵasyn osy jyly Resei Federatsiiasynyń Prezidenti V.Pýtinniń sheshimimen - Resei halyqtary Assambleiasynyń qurylǵandyǵy dep sanaýǵa bolatynyn aitty.
Sondai-aq, aǵymdaǵy jyldyń maýsym aiynan bastap Qoldanbaly etnosaiasi zertteýler institýty jumys istei bastady, onyń negizgi qyzmeti dalalyq zertteýler júrgizý jáne etnosaralyq qaqtyǵystardyń aldyn alý boiynsha jobalardy júzege asyrý bolyp tabylady.
Búgingi kúni institýt qyzmetkerleri konfliktologiialyq aýdit júrgizý, etnosaralyq shielenistiń yqtimaldyǵy týraly aldyn-ala eskertý jáne ony týdyrýy múmkin faktorlardy anyqtaý úshin respýblikanyń aimaqtaryna monitoringtik saparlardy júzege asyrady. Sonymen birge, institýt etnikalyq belgiler boiynsha qaqtyǵystardyń aldyn alý jáne retteý mehanizmin jetildirýge baǵyttalǵan birqatar jobany júzege asyrýda.
Forým aiasynda «Tsifrlyq qoǵamdaǵy qaqtyǵystardyń genezisi: pánaralyq tásil» atty birlesken qazaqstandyq-reseilik dóńgelek ústel ótkizý josparlanyp otyr. Oǵan Qoldanbaly etnosaiasi zertteýler institýtynyń atynan qurylymdyq bólimsheleriniń basshylary Dana Áshimhanova men Janar Naqypbekova, sondai-aq Qazaqstan Respýblikasy Prezidentiniń janyndaǵy Qazaqstan strategiialyq zertteýler institýty bóliminiń bastyǵy Madina Nurǵalieva qatysady.
