2020 جىلدىڭ 4 جەلتوقسانىندا «قازٸرگٸ كونفليكتولوگييانىڭ ۆەكتورلارى» اتتى تٶرتٸنشٸ بٷكٸلرەسەيلٸك كونفليكتولوگييالىق فورۋمى ٶتتٸ, دەپ حابارلايدى "ۇلت اقپارات".
اتالعان ٸس-شارانىڭ قوس ۇيىمداستىرۋشى قولدانبالى ەتنوساياسي زەرتتەۋلەر ينستيتۋتى بولدى. فورۋم زاماناۋي جانجالداردى باسقارۋدى دامىتۋدىڭ يننوۆاتسييالىق ۆەكتورلارىن قالىپتاستىرۋعا باعىتتالعان.
ٸس-شاراعا رەسەي فەدەراتسيياسى پرەزيدەنتٸنٸڭ وڭتٷستٸك فەدەرالدى وكرۋگٸ بويىنشا ٶكٸلەتتٸ ٶكٸلٸ ۆ.ن.گۋربا, بٷكٸلرەسەيلٸك كونفليكتولوگتار قاۋىمداستىعىنىڭ تٶراعاسى, لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ پروفەسسورى ا.ۆ.مانويلو, قولدانبالى ەتنوساياسي زەرتتەۋلەر ينستيتۋتىنىڭ ديرەكتورى ت.قاليەۆ جەنە ت.ب. قاتىستى.
اندرەي مانويلو ٶز سٶزٸندە جەلٸلٸك كەڭٸستٸكتەگٸ جالعان تەحنولوگييالارعا قارسى ەرەكەت ەتۋدەگٸ رەسەيلٸك تەجٸريبەمەن بٶلٸستٸ.
ٶز كەزەگٸندە, قولدانبالى ەتنوساياسي زەرتتەۋلەر ينستيتۋتىنىڭ ديرەكتورى تالعات قاليەۆ قازاقستان ٷشٸن ەتنوساياسي مەسەلەلەر ەرقاشان باسىمدىققا يە بولىپ كەلگەنٸن اتاپ ٶتتٸ. سونىمەن قاتار, ەلدەگٸ ەتنوسارالىق قاتىناستاردى رەتتەۋ سالاسى ونىڭ قالىپتاسۋىنىڭ بەلگٸلٸ كەزەڭدەرٸنەن ٶتكەنٸن, ونىڭ بٸرٸ 25 جىل بۇرىن قازاقستان حالقى اسسامبلەياسىنىڭ قۇرىلۋى ەكەنٸن سٶزگە تيەك ەتتٸ. قحا تيٸمدٸلٸگٸنٸڭ جوعارى باعاسىن وسى جىلى رەسەي فەدەراتسيياسىنىڭ پرەزيدەنتٸ ۆ.پۋتيننٸڭ شەشٸمٸمەن - رەسەي حالىقتارى اسسامبلەياسىنىڭ قۇرىلعاندىعى دەپ ساناۋعا بولاتىنىن ايتتى.
سونداي-اق, اعىمداعى جىلدىڭ ماۋسىم ايىنان باستاپ قولدانبالى ەتنوساياسي زەرتتەۋلەر ينستيتۋتى جۇمىس ٸستەي باستادى, ونىڭ نەگٸزگٸ قىزمەتٸ دالالىق زەرتتەۋلەر جٷرگٸزۋ جەنە ەتنوسارالىق قاقتىعىستاردىڭ الدىن الۋ بويىنشا جوبالاردى جٷزەگە اسىرۋ بولىپ تابىلادى.
بٷگٸنگٸ كٷنٸ ينستيتۋت قىزمەتكەرلەرٸ كونفليكتولوگييالىق اۋديت جٷرگٸزۋ, ەتنوسارالىق شيەلەنٸستٸڭ ىقتيمالدىعى تۋرالى الدىن-الا ەسكەرتۋ جەنە ونى تۋدىرۋى مٷمكٸن فاكتورلاردى انىقتاۋ ٷشٸن رەسپۋبليكانىڭ ايماقتارىنا مونيتورينگتٸك ساپارلاردى جٷزەگە اسىرادى. سونىمەن بٸرگە, ينستيتۋت ەتنيكالىق بەلگٸلەر بويىنشا قاقتىعىستاردىڭ الدىن الۋ جەنە رەتتەۋ مەحانيزمٸن جەتٸلدٸرۋگە باعىتتالعان بٸرقاتار جوبانى جٷزەگە اسىرۋدا.
فورۋم اياسىندا «تسيفرلىق قوعامداعى قاقتىعىستاردىڭ گەنەزيسٸ: پەنارالىق تەسٸل» اتتى بٸرلەسكەن قازاقستاندىق-رەسەيلٸك دٶڭگەلەك ٷستەل ٶتكٸزۋ جوسپارلانىپ وتىر. وعان قولدانبالى ەتنوساياسي زەرتتەۋلەر ينستيتۋتىنىڭ اتىنان قۇرىلىمدىق بٶلٸمشەلەرٸنٸڭ باسشىلارى دانا ەشٸمحانوۆا مەن جانار ناقىپبەكوۆا, سونداي-اق قازاقستان رەسپۋبليكاسى پرەزيدەنتٸنٸڭ جانىنداعى قازاقستان ستراتەگييالىق زەرتتەۋلەر ينستيتۋتى بٶلٸمٸنٸڭ باستىعى مادينا نۇرعاليەۆا قاتىسادى.
