Foto: depositphotos.com
2011 jylǵy úlgidegi nominaly 5 000 teńgelik banknottar ainalymnan alyp tastalýy múmkin. Ulttyq banktiń qaýly jobasy "Ashyq NQA" saitynda jariialandy, - dep habarlaidy Tengrinews.kz.
"2023 jylǵy 25 jeltoqsannan bastap Qazaqstan Respýblikasy ulttyq valiýtasynyń 2011 jylǵy úlgidegi ainalystaǵy nominaly 5 000 teńgelik banknottary (eski úlgidegi banknot) Qazaqstan Respýblikasy ulttyq valiýtasynyń 2023 jylǵy úlgidegi dizainy ózgertilgen nominaly 5 000 teńgelik banknottaryna (jańa úlgidegi banknot) aýystyrý bastalsyn.
2023 jylǵy 25 jeltoqsannan 2024 jylǵy 24 jeltoqsanǵa deiin eski úlgidegi banknottar men jańa úlgidegi banknottardyń qatar ainalys kezeńi belgilensin", - delingen qaýly jobasynda.
Bul rette jańa úlgidegi banknottar men eski úlgidegi banknottar qatar ainalys kezeńinde zańdy tólem quraly bolyp tabylady, Qazaqstan Respýblikasynyń búkil aýmaǵynda tólemder men aýdarymdardyń barlyq túrlerin júzege asyrý, banktik shottarǵa esepteý úshin olardyń belgilengen quny boiynsha qabyldanýǵa mindetti, sondai-aq Qazaqstan Respýblikasy Ulttyq Bankiniń, Ulttyq poshta operatorynyń barlyq filialdarynda, Qazaqstan Respýblikasynyń ekinshi deńgeidegi bankterinde jáne Qazaqstan Respýblikasynyń beirezident bankteriniń filialdarynda shekteýsiz usaqtalady jáne aiyrbastalady.
